1,9 ملن ازامات كرەديتتەرٸ بويىنشا «وڭالتىلدى» مەرتەبەسٸن الدى. بۇل جايىندا سەنات دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى قازاقپارات.
«2009-2021 جىلدار ارالىعىندا يپوتەكالىق قارىز الۋشىلاردىڭ بورىش جٷكتەمەسٸن شەكتەۋگە باعىتتالعان ٸس-شارالار زاڭنامالىق دەڭگەيدە قابىلداندى. «بانكتەر جەنە بانك قىزمەتٸ تۋرالى» قازاقستان رەسپۋبليكاسىنىڭ زاڭىمەن يپوتەكالىق قارىزدار بويىنشا مٸندەتتەمەنٸڭ مەرزٸمٸن ٶتكٸزٸلٸپ الۋدىڭ 180 كٷنٸنەن كەيٸن بانكتەر ەسەپتەگەن سىياقى مەن تۇراقسىزدىق ايىبىن تٶلەۋدٸ تالاپ ەتۋگە تىيىم سالىندى, ۆاليۋتادا تابىسى جوق قارىز الۋشىعا شەتەل ۆاليۋتاسىمەن يپوتەكالىق قارىزدار بەرۋ شەكتەلدٸ. قارىزداردى ٶتەۋ مەرزٸمٸن ٶتكٸزٸپ العانى ٷشٸن تۇراقسىزدىق ايىبى مەن ٶسٸمپۇلدىڭ شەكتٸ شاماسى زاڭ جٷزٸندە بەلگٸلەندٸ, بانكتەر كرەديتتەر بويىنشا الاتىن كوميسسييالار مەن ٶزگە دە تٶلەمدەردٸڭ تٷپكٸلٸكتٸ تٸزبەسٸ بەكٸتٸلدٸ», - دەلٸنگەن ٷكٸمەت باسشىسىنىڭ جاۋابىندا.
ونىڭ اتاپ ٶتۋٸنشە, تابىس دەڭگەيٸ تٶمەن قارىز الۋشىلاردىڭ قۇقىقتارىن قورعاۋ ٷشٸن: بانكتٸك شوتتارداعى قالدىقتىڭ 50 پايىزىنان استام مٶلشەرٸندەگٸ اقشادان ٶندٸرٸپ الۋعا; جەردەماقىلاردى, ەلەۋمەتتٸك جەنە تۇرعىن ٷي تٶلەمدەرٸن, بٸلٸم بەرۋ سالىمدارىن الىپ قويۋعا قوسىمشا تىيىم سالۋلار ەنگٸزٸلدٸ.
«ازاماتتاردىڭ پروبلەمالىق بەرەشەگٸن قايتا قۇرىلىمداۋ ٷشٸن نورماتيۆتٸك دەڭگەيدە پروبلەمالىق قارىز الۋشىلاردى وڭالتۋ تەتٸگٸ ەنگٸزٸلدٸ. بٷگٸنگٸ كٷنٸ 1,9 ملن ازاماتتىڭ كرەديتتەرٸ بويىنشا «وڭالتىلدى» مەرتەبەسٸ بەرٸلدٸ. قيىن ٶمٸرلٸك جاعدايعا تاپ بولعان ازاماتتارعا تٶلەم جاساۋ قابٸلەتٸن قالپىنا كەلتٸرۋ جەنە قارىزدار بويىنشا ٶز مٸندەتتەمەلەرٸن ورىنداۋىن جالعاستىرۋ مٷمكٸندٸگٸن بەرۋ ماقساتىندا اعىمداعى جىلعى 24 مامىردا زاڭنامالىق تٷزەتۋلەر ەنگٸزٸلٸپ, 2021 جىلعى 1 قازاننان باستاپ بانكتەر جەنە ميكروقارجى ۇيىمدارى (بۇدان ەرٸ – مقۇ) ٷشٸن ازاماتتاردىڭ كرەديتتەر بويىنشا پروبلەمالىق بەرەشەگٸن رەتتەۋدٸڭ بٸرىڭعاي جەنە مٸندەتتٸ تەرتٸبٸ ەنگٸزٸلدٸ. ەندٸ بانكتەر جەنە مقۇ قارىز بويىنشا مەرزٸمٸن ٶتكٸزٸپ الۋ ورىن العان سەتتەن باستاپ قارىز الۋشى-جەكە تۇلعانىڭ ٶتٸنٸشٸ نەگٸزٸندە قارىز الۋشىنىڭ قارجىلىق جاعدايىنا جەنە ەلەۋمەتتٸك مەرتەبەسٸنە جەكە تالداۋ جٷرگٸزۋ ارقىلى بورىشكەردٸڭ پروبلەمالىق بەرەشەگٸمەن جۇمىستى باستاۋعا جەنە قايتا قۇرىلىمداۋ شارالارىن ەزٸرلەۋگە مٸندەتتٸ»,- دەپ اتاپ ٶتەدٸ ول.
پرەمەر-مينيستردٸڭ جاۋابىنا سەيكەس, قارىزدى قايتا قۇرىلىمداۋ ٷشٸن مەرزٸمٸ ٶتكەن بەرەشەكتٸ رەتتەۋدٸڭ مىناداي تٷرلەرٸ زاڭنامالىق تۇرعىدان بەلگٸلەندٸ:
1) سىياقى مٶلشەرلەمەسٸن ازايتۋ جاعىنا قاراي ٶزگەرتۋ;
2) قارىز ۆاليۋتاسىن ۇلتتىق ۆاليۋتاعا ٶزگەرتۋ;
3) نەگٸزگٸ بورىش جەنە (نەمەسە) سىياقى بويىنشا تٶلەۋ مەرزٸمٸن كەيٸنگە قالدىرۋ;
4) بەرەشەكتٸ ٶتەۋ ەدٸسٸن نەمەسە بەرەشەكتٸ ٶتەۋدٸڭ كەزەكتٸلٸگٸن, ونىڭ ٸشٸندە نەگٸزگٸ بورىشتى باسىمدىق تەرتٸپپەن ٶتەي وتىرىپ, ٶزگەرتۋ;
5) قارىز مەرزٸمٸن ٶزگەرتۋ;
6) مەرزٸمٸ ٶتكەن نەگٸزگٸ بورىشتى جەنە (نەمەسە) سىياقىنى كەشٸرۋ, قارىزعا قىزمەت كٶرسەتۋگە بايلانىستى تۇراقسىزدىق ايىبىنىڭ (ايىپپۇلدىڭ, ٶسٸمپۇلدىڭ), كوميسسييالاردىڭ جەنە ٶزگە دە تٶلەمدەردٸڭ كٷشٸن جويۋ.
«بانك نەمەسە مقۇ قارىزدى قايتا قۇرىلىمداۋ تالاپتارى بويىنشا ٶتٸنٸشتٸ قاراۋدان باس تارتقان نەمەسە كەلٸسٸمگە قول جەتكٸزبەگەن جاعدايدا, قارىز الۋشى بٸر مەزگٸلدە كرەديتوردى حاباردار ەتە وتىرىپ, قارجى نارىعىن رەتتەۋ جەنە دامىتۋ اگەنتتٸگٸنە (بۇدان ەرٸ – اگەنتتٸك) ٶتٸنٸش بەرۋگە قۇقىلى. يپوتەكالىق قارىز الۋشىلاردى قورعاۋ شاراسى رەتٸندە اگەنتتٸكتٸڭ قارىز الۋشىنىڭ ٶتٸنٸشٸن قاراۋ كەزەڭٸندە كرەديتوردىڭ حالىقتىڭ ەلەۋمەتتٸك جاعىنان وسال توپتارىنا (بۇدان ەرٸ – حەوت) جاتاتىن بورىشكەرلەردٸڭ كەپٸلگە سالىنعان مٷلكٸن ٶندٸرٸپ الۋ رەسٸمٸن باستاۋعا قۇقىعى جوق», - دەپ اتاپ ٶتەدٸ جاۋابىندا اسقار مامين.
