الماتىدا QI Trade Kazakhstan كومپانيياسىنا 100 ميلليونداپ قۇيىپ, سان سوعىپ قالعاندار پوليتسييا دەپارتامەنتٸنٸڭ الدىنا جينالدى. قارجى پيراميداسىنىڭ باسشىلارى ٷش مىڭ ادامنىڭ 15 ميللياردتان استام اقشاسىن قالتاسىنا باسىپ, شەتەلگە قاشىپ كەتكەن, - دەپ حابارلايدى كتك تەلەارناسى.
ەكٸ جىلدان بەرٸ اقشاسىن ٶندٸرە الماي جٷرگەندەر تەرگەۋدٸڭ سيىرقۇيىمشاقتانىپ كەتكەنٸنە رەنجۋلٸ.
وڭاي ولجا تابامىن دەپ وپىق جەگەن سالىمشىلار الماتىنىڭ پوليتسييا دەپارتامەنتٸنٸڭ الدىنا كەلدٸ. ەرقايسىسى QI Trade Kazakhstan-عا قوماقتى قاراجات قۇيىپ, اي سايىن ديۆيدەند الىپ وتىرماقشى بولعان. تٷسەتٸن پايدا دا كومپانيياعا سالعان اقشاعا بايلانىستى دەپ سەندٸرگەن ەكەن. ياعني, "قانشالىقتى كٶپ قۇيسىڭ, سىياقىسى دا سونشالىقتى كٶپ بولادى". وسىلايشا اڭعال حالىق وسى ۋاقىتقا دەيٸن تاپقان-تايانعانىن كٷمەندٸ ۇيىمعا سالىپتى.
"مەن 188 ميلليون تەڭگەمنەن, باسپانامنان, كوتتەدجٸمنەن, پەتەرٸمنەن, جەرٸمنەن, بەرٸنەن ايىرىلدىم. وسىلارعا سەنگەنٸمنەن بانكتە جاتقان اقشامدى الىپ, بارلىق ٷيٸمدٸ ساتىپ اقشاسىن وسىندا سالدىم. مەن بۇل كومپانيياعا سەندٸم, ولار مەنٸ الدادى.
...بٸر تانىسىم اپارعان. ونىڭ الدىندا №34 اۆتوبۋستا, مەترودا جارناما جٷردٸ. ونى دا كٶردٸم. كەيٸن تانىسىم سول كومپانيياعا اقشا سالىپ جاتقانىما ەكٸ جىل بولدى دەدٸ. سوعان سەنٸپ باردىم. ديرەكتورعا كٸرسەم: «اپاي, بانكتە اقشا ۇستاماڭىز, ول – حارام» دەدٸ. كابينەتٸندە ٷلكەن قۇران كٸتاپ تۇر. «مەن انامدى ەكٸ رەت قاجىلىققا اپارىپ كەلدٸم, ناماز وقيمىن, قۇدايدان قورقامىن» دەدٸ" - دەيدٸ الماتى تۇرعىنى فاتيما نيزاموۆا.
ەندٸ زارداپ شەككەن سالىمشىلار كٷدٸكتٸ ۇيىم باسشىلارىنىڭ تەزٸرەك ۇستالىپ, زاڭ جٷزٸندە جازاعا تارتىلۋىن تالاپ ەتٸپ وتىر. ەرٸ كومپانيياعا قۇيعان قاراجات تولىق قايتارىلسا ەكەن دەيدٸ.
"ەڭ بٸرٸنشٸ باستاعان كەزدە كومپانييادا ەبدٸجاپپاروۆ دەگەن بولدى. سول ەبدٸجاپپاروۆتى ٸزدەۋمەن اينالىسپاي جاتىر. ول كٸسٸ رەسەيدە, مەسكەۋدە, اندا-مىندا دەيدٸ. ەكٸ جىلدان بەرٸ ۇستايتىن ۋاقىتى بولدى. ودان كەيٸن ساعىمباەۆ نۇرلان دەگەن جٸگٸت, بٷكٸل كونفەرەنتسييانىڭ بەرٸن جٷرگٸزگەن. ٸزدەستٸرۋ شاراسى دۇرىس جٷرمەي جاتىر. ەبدٸجاپپاروۆ پەن ساعىمباەۆ ەكٸ جىلدان بەرٸ نەگە ۇستالمايدى? باسشىلارىن ۇستاماعاندىقتان, قول استىنداعى مەنەدجەرلەردٸ عانا ۇستاپ, سولارمەن عانا سوت بولىپ جاتىر. ول سوتتىڭ ٶزٸنە قاناعاتتانبايمىز" - دەيدٸ الماتى وبلىسىنىڭ تۇرعىنى جاناگٷل ورازاحىنوۆا.
ال پوليتسەيلەر جەتٸ كٷدٸكتٸنٸ جەر-كٶكتەن ٸزدەپ جاتقانىن جەتكٸزدٸ. قارجى پيراميداسىنا قاتىسى بارلاردىڭ ەرقايسىسى ەرتٷرلٸ مەملەكەتتە بوي تاسالاپ جٷر ەكەن.
"الماتى قالاسى پوليتسييا دەپارتامەنتٸنٸڭ ٶندٸرٸسٸندە تەك ٸزدەستٸرۋ ٸسٸ بار. ٸزدەستٸرۋ ٸسٸنە سەيكەس 7 سەزٸكتٸنٸ ۇستاۋعا جەنە ولاردى قۇرىقتاۋعا باعىتتالعان ٸس-شارالار جٷزەگە اسىرىلىپ جاتىر.
پوليتسييا دەپارتامەنتٸنٸڭ وپەراتيۆتٸ قىزمەتكەرلەرٸمەن بارلىق ارنايى ٸزدەستٸرۋ شاراسى جٷرگٸزٸلٸپ جاتىر. سەزٸكتٸلەر مٸندەتتٸ تٷردە ۇستالىپ, جاۋاپقا تارتىلادى" - دەپ تٷسٸندٸردٸ الماتى قالالىق پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
