جىل باسىنان «ازاماتتارعا ارنالعان ٷكٸمەت» مەملەكەتتٸك كورپوراتسيياسى ەلٸمٸزدٸڭ اۋىلدىق ەلدٸ مەكەندەر تۇرعىندارىنا مەملەكەتتٸك قىزمەتتەردٸ الۋ جەنە تسيفرلىق سەرۆيستەردٸ پايدالانۋ بويىنشا وقىتۋ جۇمىستارىن جٷرگٸزدٸ. بٸر جارىم اي ٸشٸندە ەلٸمٸزدٸڭ تٷرلٸ ٶڭٸرلەرٸنەن 18 مىڭنان استام ازامات وقۋدان ٶتتٸ, دەپ حابارلايدى ult.kz.
كورپوراتسييانىڭ باسپاسٶز قىزمەتٸنٸڭ مەلٸمەتٸنشە, قازاقستان رەسپۋبليكاسىندا جارييالانعان تسيفرلاندىرۋ جەنە جاساندى ينتەللەكت جىلى اياسىندا جٷزەگە اسىرىلىپ جاتقان بۇل باستاما حالىقتىڭ تسيفرلىق ساۋاتتىلىعىن ارتتىرۋعا, مەملەكەتتٸك قىزمەتتەردٸڭ قولجەتٸمدٸلٸگٸن كەڭەيتۋگە جەنە ولاردى ونلاين فورماتتا ٶز بەتٸنشە الۋ داعدىلارىن قالىپتاستىرۋعا باعىتتالعان. ٶڭٸرلەر اراسىندا قوستاناي, سولتٷستٸك قازاقستان, جامبىل جەنە الماتى وبلىستارىندا وقىتىلعان ازاماتتار سانى باسىم.
وقۋ ساباقتارىن «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ ماماندارى ەلٸمٸزدٸڭ ەر ٶڭٸرٸندەگٸ اۋىلدىق وكرۋگتەر مەن ەلدٸ مەكەندەردە ٶتكٸزدٸ.
سونىمەن قاتار, جىل باسىنان بەرٸ «تانىم» كورپوراتيۆتٸك وقۋ ورتالىعىنىڭ قاتىسۋىمەن وبلىس ورتالىقتارىندا 5 مىڭعا جۋىق ازامات وقىتۋدان ٶتتٸ. ساباق بارىسىندا ازاماتتار مەملەكەتتٸك قىزمەتتەردٸ ونلاين رەجيمدە الۋ تەرتٸبٸن, سونداي-اق مەملەكەتتٸك تسيفرلىق ينفراقۇرىلىمنىڭ نەگٸزگٸ قۇرالدارى مەن مٷمكٸندٸكتەرٸن مەڭگەردٸ.
ەسكە سالا كەتەيٸك, ەلەكتروندىق مەملەكەتتٸك قىزمەتتەردٸ جەنە زاماناۋي ونلاين-سەرۆيستەردٸ پايدالانۋدى تەگٸن ٷيرەنگٸسٸ كەلەتٸن ازاماتتار ٷشٸن ەلٸمٸزدٸڭ ەر وبلىس ورتالىعىندا وقۋ سىنىپتارى جۇمىس ٸستەيدٸ. ساباقتار سەرسەنبٸ جەنە جۇما كٷندەرٸ ساعات 10:00-دەن 12:00-گە دەيٸن ٶتكٸزٸلەدٸ.
