فوتو: buqara.kz
كٶكشەتاۋدا 170 ميلليون تەڭگەدەن استام بيۋدجەت قاراجاتىن جىمقىرۋ دەرەگٸ بويىنشا سوت ٷكٸمٸ شىقتى, دەپ حابارلايدى Ult.kz.
قالالىق سوت 20 سەۋٸردە بۇل قىلمىستىق ٸستٸ قاراپ, ٷش ايىپتالۋشىعا قاتىستى شەشٸم قابىلدادى. سوت الدىندا كٶكشەتاۋ قالاسى ەكٸمدٸگٸنٸڭ تۇرعىن ٷي-كوممۋنالدىق شارۋاشىلىق بٶلٸمٸنٸڭ بۇرىنعى باسشىسى, تەحنيكالىق قاداعالاۋ ٶكٸلٸ جەنە مەردٸگەر ۇيىمنىڭ جەتەكشٸسٸ جاۋاپ بەردٸ.
ولار قازاقستان رەسپۋبليكاسى قىلمىستىق كودەكسٸنٸڭ 190-بابى 4-بٶلٸگٸ (اسا ٸرٸ كٶلەمدەگٸ الاياقتىق), 361-بابى 4-بٶلٸگٸ (لاۋازىمدىق ٶكٸلەتتٸكتەردٸ اسىرا پايدالانۋ) جەنە 218-بابى (قىلمىستىق جولمەن الىنعان قاراجاتتى زاڭداستىرۋ) بويىنشا كٸنەلٸ دەپ تانىلدى.
اقمولا وبلىسىنىڭ ارنايى پروكۋرورلارى جٷرگٸزگەن تەرگەۋ نەتيجەسٸندە, 2020 جىلى قوپا كٶلٸ جاعالاۋىنداعى قۇرىلىس كەزٸندە توپ مٷشەلەرٸ 170 ميلليون تەڭگەدەن استام بيۋدجەت قاراجاتىن جىمقىرعانى انىقتالدى. كەيٸن بۇل قاراجات زاڭداستىرىلعان.
سوت ٷكٸمٸمەن ايىپتالۋشىلار 5 جىل 8 اي, 6 جىل 8 اي جەنە 9 جىل مەرزٸمگە باس بوستاندىعىنان ايىرىلدى.
ٷكٸم ەزٸرگە زاڭدى كٷشٸنە ەنگەن جوق.
