فوتو: Pexels.com
سكك بريفينگٸندە قازاقستان قارجى مينيسترلٸگٸ مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى سەيٸلجان احمەتوۆتٸڭ مەلٸمدەۋٸنشە, 2023 جىلدان باستاپ 131 مىڭ ازامات سوتتان تىس بانكروتتىققا ٶتٸنٸش بەرگەن, ونىڭ ٸشٸندە 18 مىڭعا جۋىق ادام بانكروت دەپ تانىلعان, دەپ حابارلايدى Ult.kz.
بانكروت دەپ تانىلعانداردىڭ سانى 17,9 مىڭ ادامدى قۇرايدى, جالپى قارىز سوماسى 40,9 ميلليارد تەڭگەنٸ قۇرادى.
سپيكەر زاڭدا ٷش تٷرلٸ رەسٸم قاراستىرىلعانىن ەسكە سالدى: سوتتان تىس بانكروتتىق, سوت ارقىلى بانكروتتىق جەنە تٶلەم قابٸلەتتٸلٸگٸن قالپىنا كەلتٸرۋ. ەڭ كٶپ سۇرانىسقا يە بولعانى — سوتتان تىس بانكروتتىق, ول مٷلكٸ جوق جەنە قارىزى 5,9 ملن تەڭگەدەن اسپايتىن ازاماتتارعا قولجەتٸمدٸ.
سوت ارقىلى بانكروتتىق 5,9 ملن تەڭگەدەن جوعارى قارىزى بار ادامدارعا قولدانىلادى, وندا بورىشكەردٸڭ مٷلكٸ ساتىلىپ, تٷسكەن قاراجات قارىزدارىن ٶتەۋگە جۇمسالادى. كەپٸلدە تۇرعان تۇرعىن ٷيدٸ الىپ قويۋ مٷمكٸندٸگٸ دە قاراستىرىلعان. زاڭ كٷشٸنە ەنگەننەن بەرٸ 13,6 ملرد تەڭگە قارىزى بار 45 ادام سوت ارقىلى بانكروت دەپ تانىلدى.
تٶلەم قابٸلەتتٸلٸگٸن قالپىنا كەلتٸرۋ رەسٸمٸ بانكروت مەرتەبەسٸنسٸز قارىزدى بٶلٸپ تٶلەۋگە مٷمكٸندٸك بەرەدٸ, جەنە بۇل رەسٸم باسقا رەسٸمدەرگە تەن شەكتەۋلەرگە ەكەلمەيدٸ.
كگد تٶراعاسىنىڭ ورىنباسارى Qoldau جٷيەسٸ ٶتٸنٸش بەرۋ ٷدەرٸسٸن جەڭٸلدەتٸپ, سەيكەستٸككە اۆتوماتتى تٷردە تەكسەرۋ جٷرگٸزەتٸنٸن جەنە ٶتٸنٸشتەردٸڭ مەرتەبەسٸن باقىلاۋعا مٷمكٸندٸك بەرەتٸنٸن اتاپ ٶتتٸ. سونىمەن قاتار, 2024 جىلدىڭ ماۋسىم ايىندا كەيبٸر كەدەرگٸلەردٸ الىپ تاستاپ, ٶتٸنٸش بەرۋ پروتسەسٸن جەڭٸلدەتۋگە ارنالعان ٶزگەرٸستەر قابىلداندى.
بانكروتتىقتان كەيٸن ازاماتتار بەس جىل ٸشٸندە نەسيە الا المايدى جەنە جەتٸ جىل ٸشٸندە قايتادان بانكروتتىق رەسٸمٸن پايدالانا المايدى.
