فوتو: freepik
الماتىدا كٶلٸك ساتىپ الماق بولعان ەرلٸ-زايىپتى الاياقتىقتىڭ قۇربانىنا اينالىپ, 17 ميلليون تەڭگەسٸنەن ايىرىلدى. ولار "Sanzhar Rulit" اۆتوسالونىنان گيبريدتٸ كٶلٸك الماق بولعانىمەن, اقىرى كٶلٸكسٸز قالعان. بۇل تۋرالى Kozachkov offside Telegram ارناسىندا حابارلاندى.
وقيعا ٶتكەن جىلدىڭ قازان ايىندا بولعان. ەرلٸ-زايىپتى اۆتوسالونعا بارىپ, كٶلٸك تاڭداعان. مەلٸمەتتەرگە سەيكەس, سالون يەسٸ ابداللاح-سانجار اسقاروۆ ولارمەن جەكە سٶيلەسٸپ, 500 مىڭ تەڭگە جەڭٸلدٸك ۇسىنعان. كەيٸن قۇجاتتاردى رەسٸمدەۋ ساتۋ مەنەدجەرٸ نازەركە قارابەكوۆاعا تاپسىرىلعان.
تەرگەۋ دەرەكتەرٸنە قاراعاندا, مەنەدجەر ساتىپ الۋ-ساتۋ كەلٸسٸمشارتىن دايىنداپ, كليەنتتەردەن اقشانى كومپانييانىڭ رەسمي شوتىنا ەمەس, ٶزٸنٸڭ تانىسىنىڭ ەسەپشوتىنا اۋدارۋدى تالاپ ەتكەن. العاشىندا 7,5 ميلليون تەڭگە, كەيٸن 7,4 ميلليون جەنە تاعى 2 ميلليون تەڭگە سۇراتقان. نەتيجەسٸندە ەرلٸ-زايىپتى "Deepal" ماركالى اۆتوكٶلٸك ٷشٸن جالپى 16 ميلليون 900 مىڭ تەڭگە اۋدارعان.
مەنەدجەر كٶلٸكتٸ 2025 جىلدىڭ سوڭىنا دەيٸن جەتكٸزٸپ بەرەمٸن دەپ ۋەدە ەتكەن. الايدا كٶلٸك ساتىپ الۋشىلارعا بەرٸلمەگەن. بٸراز ۋاقىت ٶتكەن سوڭ ەرلٸ-زايىپتى الدانعاندارىن تٷسٸنٸپ, اقشالارىن قايتارۋدى تالاپ ەتكەن. وسى كەزدە كەلٸسٸمشارتتاعى قولتاڭبانىڭ جالعان, ال مٶردٸڭ تٷپنۇسقا ەمەس ەكەنٸ بەلگٸلٸ بولعان.
جەبٸرلەنۋشٸلەر پوليتسيياعا جٷگٸنٸپ, ٸس بويىنشا قىلمىستىق ٸس قوزعالدى. سوت بارىسىندا نازەركە قارابەكوۆا ٶز كٸنەسٸن مويىنداماي, اقشانى ٷشٸنشٸ تۇلعاعا بەرگەنٸن العا تارتقان. الايدا بۇل سٶزدەرٸن راستايتىن ناقتى دەلەلدەر مەن كۋەگەرلەر تابىلمادى.
نەتيجەسٸندە جەتٸسۋ اۋداندىق №2 سوتى 30 جاستاعى كٷدٸكتٸنٸ الاياقتىق جاساعانى ٷشٸن كٸنەلٸ دەپ تانىپ, 6 جىلعا باس بوستاندىعىنان ايىرۋ جازاسىن تاعايىندادى. ٷكٸم ەزٸرگە زاڭدى كٷشٸنە ەنگەن جوق.
