اتىراۋدا ٷش جاسار قىزىنىڭ كٶزٸنشە ەيەلدٸ پىشاقتاپ ٶلتٸردٸ دەگەن كٷدٸكتٸگە قاتىستى قىلمىستىق ٸس سوتقا جەتتٸ. 42 جاستاعى تٶرت بالانىڭ اناسىنىڭ ٶلٸمٸنە قاتىستى العاشقى سوت وتىرىسى 2 قىركٷيەككە بەلگٸلەندٸ, دەپ حابارلايدى ult.kz.
«اق جايىق» باسىلىمىنىڭ مەلٸمەتٸنشە, قىلمىستىق ٸس اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنا تٷسكەن. ٸستٸ سۋديا زارەما حاميدۋللينا قارايدى. العاشقى سوت وتىرىسى 2 قىركٷيەك ساعات 15:00-دە ٶتەدٸ.
قايعىلى وقيعا 2026 جىلدىڭ 22 شٸلدەسٸندە بولعان. تەرگەۋ نۇسقاسىنا سەيكەس, ەر ادام ەيەلگە پىشاقپەن شابۋىل جاساپ, وعان بٸرنەشە جاراقات سالعان. ەڭ سوراقىسى — قىلمىس كەزٸندە مارقۇمنىڭ ٷش جاسار قىزى دا ٷيدە بولعان.
قايعىلى وقيعادان كەيٸن كٸشكەنتاي قىز اناسىنىڭ دەنەسٸنٸڭ جانىندا جالعىز قالعان. ولاردى كەلەسٸ كٷنٸ ٷيگە كەلگەن 16 جاستاعى ٷلكەن قىزى تاپقان.
كٷدٸكتٸ قىلمىس جاسالعاننان كەيٸن كٶپ ۇزاماي ۇستالىپ, قاماۋعا الىنعان. وعان قازاقستان قىلمىستىق كودەكسٸنٸڭ 99-بابى 2-بٶلٸگٸنٸڭ 5-تارماعى — اسا قاتىگەزدٸكپەن جاسالعان ادام ٶلتٸرۋ بويىنشا ايىپ تاعىلىپ وتىر.
ايىپتالۋشىنىڭ كٸنەسٸ سوتتا دەلەلدەنۋٸ تيٸس. كٷدٸكتٸ — مارقۇمنىڭ ازاماتتىق نەكەدەگٸ جۇبايى.
