Atyraýda úsh jasar qyzynyń kózinshe áieldi pyshaqtap óltirdi degen kúdiktige qatysty qylmystyq is sotqa jetti. 42 jastaǵy tórt balanyń anasynyń ólimine qatysty alǵashqy sot otyrysy 2 qyrkúiekke belgilendi, dep habarlaidy ult.kz.
«Aq Jaiyq» basylymynyń málimetinshe, qylmystyq is Atyraý oblysynyń qylmystyq ister jónindegi mamandandyrylǵan aýdanaralyq sotyna túsken. Isti sýdia Zarema Hamidýllina qaraidy. Alǵashqy sot otyrysy 2 qyrkúiek saǵat 15:00-de ótedi.
Qaiǵyly oqiǵa 2026 jyldyń 22 shildesinde bolǵan. Tergeý nusqasyna sáikes, er adam áielge pyshaqpen shabýyl jasap, oǵan birneshe jaraqat salǵan. Eń soraqysy — qylmys kezinde marqumnyń úsh jasar qyzy da úide bolǵan.
Qaiǵyly oqiǵadan keiin kishkentai qyz anasynyń denesiniń janynda jalǵyz qalǵan. Olardy kelesi kúni úige kelgen 16 jastaǵy úlken qyzy tapqan.
Kúdikti qylmys jasalǵannan keiin kóp uzamai ustalyp, qamaýǵa alynǵan. Oǵan Qazaqstan Qylmystyq kodeksiniń 99-baby 2-bóliginiń 5-tarmaǵy — asa qatygezdikpen jasalǵan adam óltirý boiynsha aiyp taǵylyp otyr.
Aiyptalýshynyń kinási sotta dáleldenýi tiis. Kúdikti — marqumnyń azamattyq nekedegi jubaiy.
