قر ەنەرگەتيكا مينيسترٸ بولات اقشولاقوۆ مۇناي تاسىمالى بويىنشا كاسپيي قۇبىرىنا بالاما مارشرۋتتاردىڭ سىيىمدىلىعىن كەڭەيتۋ مٷمكٸندٸكتەرٸ قاراستىرىلىپ جاتقانىن ايتتى, دەپ حابارلايدى قازاقپارات.
«كاسپيي قۇبىر كونسورتسيۋمىنا كەلەتٸن بولساق, بۇل نەگٸزگٸ ەكسپورتتىق مارشرۋت. نەگٸزگٸ جٶندەۋ جۇمىستارى اياقتالدى. سوڭعى ەڭ شەتكٸ ايلاق جوسپار بويىنشا ايدىڭ سوڭىنا دەيٸن جٶندەلەدٸ. نەگٸزٸندە, مارشرۋت شتاتتىق رەجيمدە 100 پايىزعا جۇمىس ٸستەپ تۇر دەۋگە بولادى. بٸزدە بالاما جولدار بار. بٸراق كاسپيي قۇبىرى سيياقتى ٷلكەن كٶلەمدە ەمەس. ٶيتكەنٸ جىلىنا 54 ميلليون توننا مۇنايدى تاسىمالدايتىن بالاما جولدى بٸر تٷندە تابۋ مٷمكٸن ەمەس», - دەدٸ ۆەدومستۆو باسشىسى نۇر-سۇلتان تۇرعىندارىمەن كەزەسۋٸندە.
ونىڭ سٶزٸنە قاراعاندا, مۇنداي كٶلەمدٸ ورنالاستىرۋ ٷشٸن كەم دەگەندە ٷش جىل قاجەت.
«تٸپتٸ قىتايعا جەتٸزەتٸن بالاما جولدىڭ قۋاتى 20 ملن توننا عانا. مٷمكٸندٸكتٸ كەڭەيتەمٸز دەگەن كٷننٸڭ ٶزٸندە قىتاي سونشا كٶلەمدە مۇناي الۋعا دايىن با دەگەن مەسەلە بار. ول مارشرۋت بويىنشا جالعىز تۇتىنۋشى عانا بار – قىتاي. ولاردان باسقا ەشكٸم تۇتىنا المايدى.
باكۋ مارشرۋتىن بالاما رەتٸندە قالىپتاستىرۋ ينفراقۇرىلىم تۇرعىسىنان ٶتە ۇزاق. ەۋەلٸ پورتتى قالپىنا كەلتٸرٸپ, كەيٸن كٶلەمٸن ۇلعايتا باستاۋ كەرەك بولادى. ەكٸنشٸ قۇرىق پورتىن ورناتىپ, مۇناي قۇبىرىن تارتۋ كەرەك. تانكەرلەر تابۋ قاجەت. كاسپيدٸڭ تابانى تاياز بولعاندىقتان وندا كەز كەلگەن تانكەر جٷزە المايدى. تەك 12 مىڭ توننالىق تانكەرلەر عانا جٷزە الادى», - دەدٸ بولات اقشولاقوۆ.
سونداي-اق, ول باكۋ تاراپى قازاقستان تاسىمالدايتىن كٶلەمدەگٸ مۇنايدى قابىلداۋعا دايىن بولماۋى مٷمكٸن ەكەنٸن ەسكە سالدى.
«وسىنىڭ بەرٸن ەسكەرسەك بۇل مەسەلە ٶتە كٷردەلٸ. بٸراق بٸز بالاما نۇسقالاردى قولدانامىز. بٷگٸندە مۇنايدىڭ بٸر بٶلٸگٸن وسى بالاما جولدارعا جٶنەلتٸپ جاتىرمىز. بۇل 16,5 ملن تونناداي بولادى. ەرينە, ول 54 ملن توننا ەمەس. بٸز باسقا باعىتتار بويىنشا جٷك تاسىمالدايمىز. سوندىقتان بۇل مەسەلەنٸ تٷبەگەيلٸ شەشپەيدٸ. بٸراق بٸز باسقا دا تەسٸلدەرٸن قاراپ جاتىرمىز», - دەدٸ مينيستر.
شارادان كەيٸن باق ٶكٸلدەرٸنٸڭ ساۋالىنا بەرگەن جاۋابىندا كاسپيي قۇبىرىنا بالاما جول تٶسەۋدٸڭ مٷمكٸندٸگٸ تۋرالى تٷسٸنٸكتەمە بەردٸ. ايتۋىنشا, باكۋ باعىتى بٸرنەشە جىلدىڭ ٸشٸندە ينفراقۇرىلىم تٶسەۋگە بولادى. بٸراق ونى رەزەرۆتە ۇستاپ تۇرۋدىڭ شىعىنى وراسان كٶپ بولۋى مٷمكٸن.
«قۇبىرعا قىزمەت ەتۋ شىعىندارى بولادى. مىسالى قۇبىر تٶسەپ, باسقا ەلدٸڭ اۋماعىنا پورت سالىندى دەيٸك. ول پورتتى جالداۋ اقىسىن مۇناي تاسىمالداساق تا, تاسىمالداماساق تا تٶدەۋ كەرەك بولادى. وسىنداي تٷرلٸ شىعىندار بار. قازٸر سونىڭ بەرٸن زەردەلەپ جاتىرمىز», - دەدٸ ۆەدومستۆو باسشىسى.
