ۇبت-دان ەڭ جوعارعى 140 بال جيناعان الماتىلىق بويجەتكەن شيارا قۇدايبەرگەنوۆا قاي جوعارى وقۋ ورنىندا بٸلٸم الاتىنىن ايتتى, دەپ حابارلايدى قازاقپارات تٸلشٸسٸ.
الماتىلىق تٷلەك سٷلەيمان دەميرەل ۋنيۆەرسيتەتٸ مەن ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ مەملەكەتتٸك باسقارۋ ماماندىعىن تاڭداعان ەكەن.
«نەگٸزٸ 4 وقۋ ورنىن جازۋ كەرەك بولعان. مەن ٷشەۋٸنە سٷلەيمان دەميرەل ۋنيۆەرسيتەتٸن, بٸرەۋٸنە ەۋرازييا ۇلتتىق ۋنيۆەرسيتەتٸن جازدىم. سدۋ-دا قارجى ماماندىعىن تاڭدادىم. ال ەۇۋ-دا مەملەكەتتٸك باسقارۋ ماماندىعىنا تٷسكٸم كەلدٸ. مەن نەگٸزٸ لوگيست بولعىم كەلگەن, بٸراق ول ماماندىق قازٸر ەلەكتروندى تٷردە دامىپ جاتىر ەكەن. مەن سدۋ-دا قارجى ماماندىعىن تاڭداعان سەبەبٸم, 4 جىلدا xالىقارالىق 14 سەرتيفيكاتتىڭ 9-ىن الىپ شىعامىن. بۇل سەرتيفيكاتتار باسقا جوو-دا بەرٸلمەيدٸ ەكەن. ال قارجىگەرلەرگە بۇل سەرتيفيكات اۋاداي قاجەت. سول ٷشٸن قارجى ماماندىعىن تاڭدادىم», - دەدٸ ول.
شيارانىڭ ايتۋىنشا, ونى بٸلٸم الۋعا ەل-فارابي اتىنداعى قازاق ۇلتتىق ۋنيۆەرسيتەتٸ, سٷلەيمان دەميرەل ۋنيۆەرسيتەتٸ, UIB, AlmaU جەنە تاعى دا باسقا بٸرقاتار جەكەمەنشٸك ۋنيۆەرسيتەتتەر شاقىرعان.
«بٸراق مەن سدۋ-دى تاڭدادىم. سەبەبٸ الداعى 4 جىلدا اتالعان ۋنيۆەرسيتەت مەنٸڭ بٸلٸمٸمدٸ مولايتادى دەپ سەنەمٸن. مۇندا تالاپ جوعارى. بارلىق ساباق اعىلشىن تٸلٸندە بولادى. سول ٷشٸن اعىلشىن تٸلٸ كۋرسىنا قاتىسىپ جٷرمٸن», - دەدٸ الماتىلىق تٷلەك.
ايتا كەتۋ كەرەك, رەسپۋبليكا بويىنشا ۇبت تەستٸلەۋدەن ەڭ ٷزدٸك نەتيجە - 140 ۇپايعا قول جەتكٸزگەن قوجا احمەت ياسساۋي اتىنداعى №123 مەكتەپ-گيمنازييانىڭ تٷلەگٸ شيارا قۇدايبەرگەنوۆا التىن بەلگٸ مەن ٷزدٸك اتتەستاتقا ٷمٸتكەر بولماعان.
