فوتو: اشىق دەرەككٶز
13 ماۋسىم كەشٸنەن باستاپ يزرايل تٶرت رەت شابۋىلعا ۇشىرادى: تەل-اۆيۆ, يەرۋساليم, بەەر-شەۆا, گۋش-دان جەنە باسقا دا قالالاردا جارىلىستار بولدى. جارىلىستار يران اۋماعىندا دا تٸركەلدٸ, دەپ حابارلايدى Ult.kz.
يزرايلدٸڭ N12 تەلەارناسى العاشقى ٷش شابۋىل تولقىنىنان كەيٸن يران 150–200 راكەتا ۇشىردى دەپ حابارلادى. كەيٸنٸرەك يزرايل قورعانىس ارميياسى شامامەن 100 راكەتا اتىلعانىن راستادى, ولاردىڭ كٶپشٸلٸگٸ بٶگەلٸپ, نىسانالارعا جەتپەگەنٸمەن, تساحال سوققىلاردىڭ بٸر بٶلٸگٸ دٸتتەگەن جەرٸنە تيگەنٸن مەلٸمدەدٸ. تٶرتٸنشٸ تولقىندا يران ونداعان زىمىراندى يزرايلگە باعىتتاعان.
يسلام رەۆوليۋتسيياسى كورپۋسى باس قولباسشىسىنىڭ كەڭەسشٸسٸ, گەنەرال احماد ۆاحيدي يران 150-دەن استام نىسانعا سوققى جاساعانىن ايتتى. بۇعان يزرايلدٸڭ F-35, F-16 جەنە F-15 جويعىش ۇشاقتارى, جانارماي قۇيۋ جەنە جٷك تاسيتىن ۇشاقتارى ورنالاسقان ەۋە بازالارى, سونداي-اق وسى بازالارداعى باسقارۋ ورتالىقتارى مەن راديوەلەكتروندىق سوعىس جٷيەلەرٸ كٸرگەن. سونىمەن قاتار, يزرايلدٸڭ زىمىران جاساۋ ورتالىقتارى مەن باسقا ەسكەري-ٶنەركەسٸپتٸك نىساندارىنا دا سوققىلار جاسالعان. كسير قولباسشىسىنىڭ ايتۋىنشا, يران بالليستيكالىق راكەتالاردى تٸپتٸ سۋاستى قايىقتارىنان دا ۇشىرعان. يراندىق راكەتالاردىڭ ونداعانى ٶز نىسانالارىنا دەل تيگەن.
اقش يراننىڭ شابۋىلىنا قارسى تۇرۋدا يزرايلگە كٶمەك كٶرسەتكەن. The Washington Post باسىلىمىنىڭ مەلٸمەتٸنشە, Patriot جەنە THAAD زىمىرانعا قارسى جٷيەلەرٸ پايدالانىلعان. CNN دەرەگٸنشە, يران يزرايلدٸ قورعايتىن كەز كەلگەن ەلدٸڭ بازالارىنا سوققى جاسايتىنىن ەسكەرتكەن.
يزرايلدەگٸ ادام شىعىنى تۋرالى اقپارات ەرتٷرلٸ. Ynet 2 ادام قازا تاپقانىن, 20-عا جۋىق ادام اۋرۋحاناعا جەتكٸزٸلگەنٸن حابارلايدى. Jerusalem Post كەمٸندە 63 ادام جارالانعانىن, بٸر ادامنىڭ قايتىس بولعانىن جازادى. كەمٸندە التى عيمارات زاقىمدانعان. تەل-اۆيۆ وكرۋگٸنٸڭ قولباسشىسى يراننىڭ سوققىسى "ماتەريالدىق جاعىنان وراسان زور شىعىن ەكەلگەنٸن" مەلٸمدەدٸ.
يراندىق Mehr اگەنتتٸگٸ ەل اۋماعىندا قۇلاعان يزرايلدٸڭ F-35 جويعىش ۇشاعىنىڭ فوتوسىن جارييالادى. يران ارميياسى ەكٸ جويعىشتى اتىپ تٷسٸرگەنٸن ايتسا, تساحال بۇل مەلٸمەتتٸ, سونداي-اق ۇشقىشتىڭ تۇتقىندالعانى تۋرالى اقپاراتتى جوققا شىعاردى.
يراننىڭ يسفاحان قالاسىندا, يادرولىق نىسان ورنالاسقان ماڭدا قاتتى جارىلىس بولدى. تەگەراندا دا جارىلىستار ەستٸلدٸ, مەحراباد ەۋەجايىنىڭ شابۋىلعا ۇشىراعانى حابارلاندى.
يزرايل شابۋىلى كەزٸندە يراندىقتار دٸني مەيرامعا دايىندىقتارىن جالعاستىرىپ جاتقان — تٷنگٸ ٷش شاماسىندا تەگەرانداعى يمام حومەيني الاڭىندا ادامدار ەۋە شابۋىلىنان قورعانۋ جاعدايىندا قادير حوم مەيرامىن قارسى الۋعا دايىندالىپ جاتقان ۆيدەولار تارادى.
يراننىڭ بۇۇ جانىنداعى تۇراقتى ٶكٸلٸ امير سايد يراۆاني يزرايل اگرەسسيياسىن "سوعىس جارييالاۋ" دەپ اتادى. ونىڭ ايتۋىنشا, كەيٸنگٸ شابۋىلدار سالدارىنان يراندا 78 ادام قازا تاۋىپ, 320-دان استام ادام جاراقات العان.
