9 قاراشادان بەرٸ وبلىس ورتالىعىنداعى بلوك بەكەتتەر ارقىلى 56 مىڭنان استام كٶلٸك كٸرٸپ-شىققان, دەپ حابارلايدى Pavlodarnews.kz سايتى.
بۇل تۋرالى ونلاين باسپاسٶز جيىنىندا پاۆلودار قالاسىنىڭ ەكٸمٸ ەرجان يمانسليام مەلٸم ەتتٸ.
- باس سانيتارلىق دەرٸگەردٸڭ قاۋلىسىنا سەيكەس 9 قاراشادان قالاعا كٸرەبەرٸستەردە 5 بلوك بەكەت ورناتىلعان بولاتىن. وسىعان دەيٸن بەكەتتەردەن جۇمىس ورنىنان العان انىقتامالار ارقىلى ٶتكٸزٸپ كەلگەن بولسا, ەرتەڭنەن باستاپ pvlinfo.kz سايتى ارقىلى تەكسەرٸپ ٶتكٸزەدٸ. بٷگٸندە سايتقا جەكە جەنە زاڭدى تۇلعالاردان 15 مىڭنان استام ٶتٸنٸش كەلٸپ تٷستٸ, - دەدٸ ەرجان يمانسليام.
قالا ەكٸمٸنٸڭ ايتۋىنشا, سوڭعى تەۋلٸكتە بلوك بەكەتتەردەن 12236 كٶلٸك كٸرٸپ-شىققان بولسا, 210 كٶلٸك كەرٸ قايتارىلعان. ال, 9 قاراشادان بەرٸ بەكەتتەر ارقىلى 56 مىڭنان استامى كٸرٸپ-شىققان.
سونداي-اق شاھار باسشىسى كارانتيندٸك شەكتەۋلەرگە قاتىستى بارلىق سۇراقتار بويىنشا 109 بايلانىس نٶمٸرٸنە حابارلاسۋعا بولاتىنىن اتاپ ٶتتٸ. بٷگٸندە 109 ورتالىعىنا تەۋلٸگٸنە 2 مىڭنان استام قوڭىراۋ تٷسۋدە.
ايتا كەتەيٸك, پاۆلودار قالاسىندا كوروناۆيرۋس جۇقتىرعاندار سانى 3327-گە جەتتٸ. ٶتكەن تەۋلٸكتە 43 ادامنان كۆي انىقتالدى. ونىڭ ٸشٸندە 22 ناۋقاس بۇرىن كۆي جۇقتىرعاندارمەن بايلانىستا بولعاندار. وعان قوسا, 43 ادامنىڭ ٸشٸندە 10-ى – بالا, التاۋى – 60 جاستان اسقان تۇرعىندار. بارلىق ناۋقاستارمەن بايلانىستا بولعان 148 ادام انىقتالدى. قازٸرگٸ ۋاقىتتا قالادا ٸندەتتٸڭ ٶسٸمٸ 1,3 پايىزدى قۇرايدى.
