شىمكەنتتە ٶرتەنٸپ جاتقان ٷيدەن سەبيلەردٸ امان الىپ قالعان 13 جاستاعى باقىتجان بەركٸمباي ەكٸ اپتا بۇرىن قولىن سىندىرىپ العان, دەپ حابارلايدى قازاقپارات تٸلشٸسٸ.
باقىتجاننىڭ سٶزٸنشە, سول كٷنٸ ول كٶشەدە كٶلٸكتە وتىرعان. كەنەتتەن كٶرشٸنٸڭ اراي ەسٸمدٸ قىزى ٷيلەرٸندە ٶرت شىققانىن ايتىپ, كٶمەك سۇراپ كەلگەن.
«ٷيدە انام بار ەدٸ. بٸراق مەن وعان ايتۋعا ٷلگەرمەي, دەرەۋ جانىپ جاتقان ٷيگە باردىم. قاراسام ٷيدٸڭ ٸشٸندە ٶرت شىعىپ, جان-جاعى جانىپ جاتىر ەكەن. سول ٷيدٸڭ 6 جاسار قىزى مەن 3 جاسار بالاسى بٸر شەتتە قورقىپ وتىردى. تٷتٸنگە تۇنشىققان با, ەيتەۋٸر ەسٸنەن تانۋعا شاق قالعان. دەرەۋ كٸشكەنتايىن قولىما كٶتەرٸپ الدىم دا, ٷلكەنٸن جەتەكتەپ الىپ شىقتىم. سىرتقا شىققان سوڭ سۋ بەرٸپ, كٶمەكتەسۋگە تىرىستىم. كٶرشٸنٸڭ ٷيٸنە الىپ باردىم. انام قۇتقارۋ قىزمەتٸنە حابارلاستى. كەيٸن اتا-انالارى دا كەلدٸ», - دەيدٸ جاسٶسپٸرٸم بٷگٸن قالالىق تجد ٶتكٸزگەن باسپاسٶز مەسليحاتىندا.
بٷگٸندە سەگٸزٸنشٸ سىنىپتا وقيتىن بالا وتقا ورانعان ٷيگە كٸرگەن كەزدە قورقۋعا ۋاقىت بولعان جوق دەيدٸ. ٶيتكەنٸ ول مەكتەپتە سونداي دايىندىق ساباقتارىنان ٶتكەنٸن, سونىڭ ارقاسىندا تەزٸرەك كٶمەك كٶرسەتۋگە ۇمتىلعانىن ايتادى.
ال, باقىتجاننىڭ سىنىپ جەتەكشٸسٸ بولسا ونىڭ ٷيٸندە تٶرت اعايىندى ەكەنٸن جەتكٸزدٸ. 13 جاستاعى وقۋشىسى - ٷيدٸڭ كەنجەسٸ. سىنىپتا جٷرگەندە دە تەك جاقسى قىرىمەن تانىلعان.
«باقىتجان - ٶزٸنٸڭ دوستارىنا ٷنەمٸ قول ۇشىن بەرٸپ جٷرەتٸن زەرەك بالا. بايسالدى, مەيٸرٸمدٸ, سابىرلى مٸنەزٸ بار. تەربيە ساعاتتارىنا دا قاتىسۋى جاقسى. ونىڭ بۇل جاساعان ەرلٸگٸ ٶزگە وقۋشىلارىمىزعا دا ٶنەگە بولىپ وتىر. ٶيتكەنٸ جانىپ جاتقان ٷيگە كٸرۋگە بالا تۇرماق, ەرەسەكتەردٸڭ ٶزٸ بارا بەرمەيدٸ, - دەيدٸ باقىتگٷل لەكەروۆا.
بٷگٸن جاس قۇتقارۋشىنى قالالىق تجد باسشىلىعى ارنايى العىس حاتپەن ماراپاتتالدى. سونداي-اق, دەپارتامەنت باستىعى نۇربولات دەربٸسوۆ «ەرلٸگٸ ٷشٸن» مەدالٸمەن ماراپاتتاۋ ٷشٸن ەلٸمٸزدٸڭ ٸٸم اتىنا جەنە ارنايى العىس حاتپەن ماراپاتتاۋ ٷشٸن قالالىق ەكٸمدٸككە ۇسىنىس جولدانعانىن جەتكٸزدٸ.
«باقىتجان كەلەشەكتە بٸزگە قۇتقارۋشى بولىپ كەلەدٸ دەپ سەنەمٸز. مۇنداي جٸگٸتتەرگە بٸز ارنايى وقۋ ورنىنا بارۋ تۋرالى ۇسىنىس ايتامىز. بٸز ٷشٸن ونىڭ دەر كەزٸندە جاساعان ەرەكەتٸ ٷلكەن ەرلٸك دەپ ايتار ەدٸم. ونىڭ اتا-اناسىنا جەنە ۇستازدارىنا العىس ايتامىن»,- دەدٸ نۇربولات دەربٸسوۆ.
ٶرتكە ورانعان ٷيدٸڭ 7 جاستاعى قىزىنىڭ ايتۋىنشا, التى جاستاعى سٸڭلٸسٸ مەن 3 جاستاعى ٸنٸسٸ وتتىقپەن ويناپ وتىرعاندا كٶرپە جانا باستاعان. بالالار ونى ٶزدەرٸ ٶشٸرمەك بولىپتى, بٸراق ٶرت ۇلعايىپ كەتكەن.
ايتا كەتەيٸك, 16 اقپان كٷنٸ قالاداعى قۇرساي مٶلتەك اۋدانىندا جەكە ٷيدەن ٶرت شىققان بولاتىن. وندا قاراۋسىز 3 بالا قالعان. جانىپ جاتقان ٷيدە قالعان ەكٸ بالانى سول ماڭدا تۇراتىن 13 جاستاعى باقىتجان بەركٸمباي الىپ شىققان ەدٸ. جاسٶسپٸرٸم دەر كەزٸندە قۇتقارىپ قالعانىنىڭ ارقاسىندا ەكٸ بٷلدٸرشٸن امان قالدى.
