يسرايل اعام ساپارباي تەلەفون شالدى بٷگٸن. سەلەم-ساۋقات, از-كەم بەكٸن-شٷكٸن ەڭگٸمەدەن كەيٸن: "ٶتكەندە كٸتابىڭدى بەرٸپ ەڭ, سول تٷنٸ وقىپ شىقتىم. ەرەكشە ەسەر ەتتٸ. سول تٷنٸ ساعان ارناپ ٶلەڭ جازدىم. اتاۋىن - "مويىنداۋ" دەپ قويدىم. بۇل اتاۋدىڭ ٸشٸنە بەرٸ كٸرٸپ تۇر: ٶمٸردٸ, ٶلٸمدٸ, ٶلەڭدٸ, ۋاقىتتى, سەندەر پويازيياعا ەكەلگەن جاڭا تىنىس, بٶلەك وي, باسقا دەڭگەي, تىڭ ٶرنەكتٸ...كەرٸلٸك پەن جاستىقتى, الما-كەزەك دٷنييانى بەرٸن-بەرٸن مويىندادىم. اقبەرەنجان, ٶزٸڭ بار, قاتارلاستارىڭ بار - سەندەرگە قازاق پوەزيياسى امانات! سەندەر قازاق ٶلەڭٸن جەتٸمسٸرەتپەي, جاڭا بيٸككە كٶتەرە الاتىندارىڭدى تٷسٸندٸم, مويىندادىم" - دەدٸ.
قاتتى تولقىدىم. قازاق پوەزيياسىنىڭ كلاسسيگٸنەن مۇنداي سٶز ەستۋ - وڭاي شارۋا ەمەس. ماقتاپ تۇرعان جوق, جاۋاپكەرشٸلٸكتٸ سەزٸندٸرٸپ تۇر. ويپىرىم-اي, القىنا-قىلقىنا اعاما راxمەت ايتىپ, ويلانىپ قالدىم.
تالاي اعامىز ارقامىزدان قاقتى, ماقالا جازىپ, اق جول تٸلەدٸ, اقىل-كەڭەسٸن ايتتى. ەندٸ مٸنە, ٶلەڭ ارناپ جاتىر. لايىقپىز با, جوق پا?! ٷلكەن جاۋاپكەرشٸلٸك! ٷلكەن سالماق!
ەمٸرxان اعام كەتەرٸنەن بٸر اپتا بۇرىن: "ەي, باhادٷر, سەندەرگە ەدەبيەتتٸ سەنٸپ تاستاپ كەتۋگە بولا ما?!" - دەپ ەستٸ شىعارار سۇراق قويىپ ەدٸ. "جوق, بولمايدى, دايىن ەمەسپٸز" - دەپ ەدٸم سوندا.
ال, يسرايل اعاعا نە دەۋٸم كەرەك ەدٸ?!.. "مويىنداۋىن" ٷنسٸز عانا قابىلدادىم.
P.S. بۇل ٶلەڭدٸ ماقتانىپ سالىپ وتىرعام جوق. زامانداستارىما وي سالسام دەپ ەدٸم.
اقىن اقبەرەن ەلگەزەكتٸڭ فەيسبۋكتەگٸ جازباسىنان
مويىنداۋ
اقبەرەن ەلگەزەككە
بٸز وسىلاي ٶلەمٸز,
بٸز وسىلاي تۋعانبىز.
احيرەتتٸڭ ەلٸنە بەتٸمٸزدٸ بۇرعانبىز.
ەلٸكپەيدٸ ەس پەن دەرت ەرتەگٸدەي ەرتەڭگە,
جەڭٸمٸزدٸ تارتپايدى جەلٸك قۋعان دۋمان-قىز.
بٸز وسىلاي ٶلەمٸز,
بٸز وسىلاي تۋعانبىز.
ەلٸمساقتان ەرٸمٸز,
بولىمساقتان بەرٸمٸز,
جاتىپ قالعان جامباسپىز,
قاتىپ قالعان تەرٸمٸز.
كەنەزەسٸ قاشاننان كەۋٸپ قالعان تۋلاقپىز,
كەجەگەسٸ كەكجيٸپ كەيٸن تارتقان كەرٸمٸز.
قۇزدان قۇلاپ,
مۇز قۇشقان مۋمييامىز, قالىپپىز,
استارى جوق, تىسى بار, اڭداعانعا انىقپىز.
اعىن سۋدان اقابا,
قاق قالادى جاڭبىردان...
اينىماعان باقادان بادانا كٶز حالقپىز!
جەتەگٸمٸز – جەلبۋاز,
مەكەنٸمٸز – ٶلٸ كٶل.
جارالعانبىز ەۋباستا ادام اتا تەگٸنەن.
ەمپەي-جەمپەي جاناسقان
پەرٸشتە ەمەس, پەرٸمەن
ەۋمەسەردٸڭ بەيباقپىز تٷسٸپ قالعان بەلٸنەن...
ٶلٸ كٶلدە كٶپ باقا ٶزەۋرەيدٸ كەشكٸلٸك,
ەۋلەكٸ ەۋەن ەسٸرە ەۋدەم جەرگە ەستٸلٸپ.
تۇلا بويى جىر, اڭىز
بٸرٸ «ۇلى», بٸرٸ «ابىز»
اقىندارمىز اعزاسى ازىپ-توزعان ەسكٸرٸپ...
سونىڭ بٸرٸ مىنا مەن:
ازعان,
توزعان,
ەسكٸرگەن,
كەلەشەكتٸڭ كەسپٸرٸن كەلٸمسەكتەي كەش بٸلگەن.
ٶزٸ عانا كٷلەتٸن, ٸشٸ ۇلىپ جٷرگەنمەن,
ٶزٸ عانا بٸلەتٸن «كەم ەمەسٸن ەشكٸمنەن».
... بٸز وسىلاي تۋعانبىز.
بٸز وسىلاي ٶلەمٸز,
تاعدىر تاقىر كەللاعا نە سالسا دا كٶنەمٸز.
جادىمىزدا – جاڭا جىر,
جانىمىزدا – ەسكٸ ٶلەڭ.
كٶكجيەكتەن ەرٸ اسىپ كٶز ۇشىنا ەنەمٸز.
بٸز وسىلاي تۋعانبىز.
بٸز وسىلاي ٶلەمٸز...
يسرايل ساپارباي
08.06.2016 ج.
