ريو-دە-جانەيرودا ٶتٸپ جاتقان وليمپيادا ويىندارىندا ەركٸن كٷرەستەن 74 كەلٸگە دەيٸنگٸ سالماقتا ٶنەر كٶرستٸپ جاتقان عالىمجان ٶسەرباەۆ مولداۆييالىق بالۋان ەۆگەنيي نەديالكودان ايلاسىن اسىردى, دەپ حابارلايدى Baq.kz تٸلشٸسٸ.
ٸرٸكتەۋ سايىسىندا عالىمجان مولداۆييالىق قارسىلاسىن 11:2 ەسەبٸمەن ۇتتى. وسىلايشا, جەرلەسٸمٸز 1/8 فينالعا جولداما الدى. ال 57 كەلٸگە دەيٸنگٸ سالماقتا بەلدەسەتٸن نۇريسلام ساناەۆ العاشقى اينالىمدا گرۋزييالىق ۆلاديمير حينچەگاشۆيليدەن جەڭٸلٸپ قالدى. ەندٸ, حينچەگاشۆيلي فينالعا شىعا السا, قازاق بالۋانى جۇبانىش بەلدەسۋگە مٷمكٸندٸك الادى.
ايتا كەتەيٸك, وسى جەكپە-جەكتەن كەيٸن 75 كەلٸگەن دەيٸنگٸ سالماقتا قازاقستاندىق گٷزەل مانيۋروۆا فينالدا التىن ٷشٸن تالاسىپ, كانادالىق ەريكا ۋيبەگە جول بەرٸپ قويدى. بۇعان دەيٸن 69 كەلٸدەگٸ ەلميرا سىزدىقوۆا وليمپيادا ويىندارىنىڭ قولا جٷلدەگەرٸ اتانعان بولاتىن. ال گٷزەل مانيۋروۆا كٷمٸس مەدالٸن قاناعات تۇتتى.
