Rio-de-Janeiroda ótip jatqan Olimpiada oiyndarynda erkin kúresten 74 kelige deiingi salmaqta óner kórstip jatqan Ǵalymjan Óserbaev moldaviialyq balýan Evgenii Nedialkodan ailasyn asyrdy, dep habarlaidy Baq.kz tilshisi.
Irikteý saiysynda Ǵalymjan moldaviialyq qarsylasyn 11:2 esebimen utty. Osylaisha, jerlesimiz 1/8 finalǵa joldama aldy. Al 57 kelige deiingi salmaqta beldesetin Nurislam Sanaev alǵashqy ainalymda grýziialyq Vladimir Hinchegashviliden jeńilip qaldy. Endi, Hinchegashvili finalǵa shyǵa alsa, qazaq balýany jubanysh beldesýge múmkindik alady.
Aita keteiik, osy jekpe-jekten keiin 75 keligen deiingi salmaqta qazaqstandyq Gúzel Maniýrova finalda altyn úshin talasyp, kanadalyq Erika Ýibege jol berip qoidy. Buǵan deiin 69 kelidegi Elmira Syzdyqova Olimpiada oiyndarynyń qola júldegeri atanǵan bolatyn. Al Gúzel Maniýrova kúmis medalin qanaǵat tutty.
