قوستانايدا تۇرعىن ٷي قۇرىلىسىنا ازاماتتاردان زاڭسىز اقشا تارتقان قۇرىلىس كومپانيياسىنىڭ باسشىسىنا قاتىستى سوت ٷكٸمٸ شىقتى, دەپ حابارلايدى ult.kz.
وبلىستىق پروكۋراتۋرانىڭ باسپاسٶز قىزمەتٸنٸڭ مەلٸمەتٸنشە, كومپانييا ديرەكتورى قاجەتتٸ رۇقساتى بولماسا دا, 2022 جىلدىڭ سەۋٸرٸنەن 2024 جىلدىڭ قاراشاسىنا دەيٸن ازاماتتارمەن پەتەر ساتىپ الۋ تۋرالى شارتتار جاساپ, 123 ملن تەڭگەدەن استام قارجى جيناعان. قۇرىلىستى اياقتاۋ مٷمكٸن ەمەستٸگٸن بٸلە تۇرا, اقشا قابىلداۋدى جالعاستىرعان.
نەتيجەسٸندە ونداعان وتباسى باسپاناسىز قالعان. سوت پروتسەسٸ كەزٸندە جەبٸرلەنۋشٸلەرگە كەلتٸرٸلگەن شىعىن تولىق ٶتەلدٸ.
سوت كومپانييا باسشىسىن الاياقتىق جاساعانى ٷشٸن كٸنەلٸ دەپ تانىپ, وعان شارتتى تٷردە باس بوستاندىعىن شەكتەۋ جازاسىن تاعايىندادى. سونىمەن قاتار, ول 5 جىل بويى قۇرىلىس ۇيىمدارىندا باسشىلىق قىزمەت اتقارا المايدى.
پروكۋراتۋرا تۇرعىن ٷيگە اقشا سالماس بۇرىن قۇرىلىس سالۋشىنىڭ قاجەتتٸ رۇقساتتارى مەن قاراجات تارتۋ زاڭدىلىعىن تەكسەرۋگە شاقىردى.
