فوتو: Polisia.kz
رەسپۋبليكا اۋماعىندا “ميگرانت” جەدەل-پروفيلاكتيكالىق ٸس-شاراسى ٶتكٸزٸلدٸ, – دەپ حابارلايدى «ۇلت اقپارات» Polisia.kz-كە سٸلتەمە جاساپ.
بەس كٷندە كٶشٸ-قون زاڭناماسىن بۇزۋدىڭ 10 مىڭنان استام دەرەگٸ انىقتالدى. – ەلدە بولۋ ەرەجەلەرٸن بۇزعانى ٷشٸن 4475 شەتەلدٸك; – زاڭسىز جۇمىس ٸستەگەنٸ ٷشٸن 2118 شەتەلدٸك; – 613 جۇمىس بەرۋشٸ شەتەلدٸك جۇمىس كٷشٸن زاڭسىز پايدالانعانى ٷشٸن; – 2624 جەكە جەنە زاڭدى تۇلعا ٶزدەرٸمەن بٸرگە جٷرگەن شەتەلدٸكتەر تۋرالى پوليتسيياعا دەر كەزٸندە حابار بەرمەگەنٸ ٷشٸن جاۋاپكەرشٸلٸككە تارتىلدى.
سونىمەن قاتار قوس ازاماتتىقتىڭ 9 فاكتٸسٸ انىقتالدى, شەتەلدٸكتەرگە ەلدە تۇرۋعا بەرٸلگەن 113 ىقتييارحات كٷشٸن جويدى. كٶشٸ-قون زاڭناماسىن بۇزعانداردى ەلدەن شىعارۋ تۋرالى 850 سوت شەشٸمٸ شىعارىلدى. 121 شەتەلدٸك ەلدەن مەجبٷرلەپ شىعارىلدى. بارلىق دەپورتاتسييالانعاندارعا بەس جىلعا قازاقستانعا كٸرۋگە تىيىم سالىنادى. ٸزدەۋدە جٷرگەن 37 شەتەلدٸك ۇستالدى. كٶشٸ-قون قىزمەتٸ ەلگە شەتەلدٸكتەردٸ شاقىراتىن قازاقستاندىقتارعا شاقىرىلعان شەتەلدٸك ازاماتتاردىڭ ەلدەن ۋاقىتىلى كەتۋٸن ۇيىمداستىرۋ قاجەتتٸگٸن ەسكە سالادى. قاۋٸپسٸزدٸك پەن قوعامدىق تەرتٸپتٸڭ ساقتالۋىن قالايتىن ازاماتتاردىڭ ارقاسىندا پوليتسەيلەر بٸرقاتار زاڭ بۇزۋشىلىقتاردى انىقتادى. مىسالى, الماتىدا جەكە جاتاقحانا يەسٸ جاتاقحانادا تۇراتىن كٷدٸكتٸ ادامدار تۋرالى كٶشٸ-قون قىزمەتٸنە ارىزدانعان.
تەكسەرۋ بارىسىندا 30 شەتەلدٸكتٸڭ كەلۋ مەرزٸمٸن بۇزعانى انىقتالدى. پوليتسەيلەر كٶشٸ-قون زاڭناماسىن بۇزۋ فاكتٸلەرٸنٸڭ الدىن الۋ جەنە انىقتاۋ جۇمىستارىن جالعاستىرۋدا.
