قازاقستانعا 12 ەلدٸڭ ازاماتتارىن ۆيزاسىز كٸرگٸزۋ تۋرالى ٷكٸمەت قاۋلىسى بٷگٸننەن باستاپ كٷشٸنە ەندٸ, دەپ حابارلايدى "ۇلت اقپارات".
«بٷگٸننەن باستاپ, قازاقستان رەسپۋبليكاسىنا ۆيزاسىز كٸرۋ رەجٸمٸ بار ەلدەردٸڭ تٸزٸمٸن كەڭەيتۋ تۋرالى قر ٷكٸمەتٸنٸڭ قاۋلىسى كٷشٸنە ەندٸ. اتاپ ايتقاندا, 45 مەملەكەتتٸڭ تٸزٸمٸنە قوسىمشا 12 ەل ەنگٸزٸلدٸ. ولار: ۆەتنام, يندونەزييا, فيليپپين, تايلاند, باحرەين, ومان, كۋۆەيت, ساۋد ارابيياسى, كولۋمبييا, ليحتەنشتەين, ۆاتيكان جەنە كاتار. قاۋلىمەن اتالعان ەلدەردٸڭ ازاماتتارى ٷشٸن ەگەر ولاردىڭ قر-دا بولۋ كەزەڭٸ قازاقستاننىڭ مەملەكەتتٸك شەكاراسىنان ٶتكەن سەتتەن باستاپ 30 كٷنتٸزبەلٸك كٷننەن اسپايتىن بولسا, ۆيزاسىز كٸرۋ جەنە شىعۋ قۇقىعىن بەرۋ كٶزدەلگەن», - دەدٸ قر سٸم رەسمي ٶكٸلٸ ايبەك سماديياروۆ تٸلشٸلەرگە ارنالعان بريفينگ بارىسىندا.
ونىڭ ايتۋىنشا, ۆيزالىق فورمالدىلىقتى جويۋ, شەتەلدٸك ينۆەستورلاردىڭ, بيزنەسمەندەر مەن تۋريستەردٸڭ سانىن ارتتىرۋعا باعىتتالعان ۆيزالىق رەجٸمدٸ جەڭٸلدەتۋ قازاقستاننىڭ ينۆەستيتسييالىق احۋالىن جاقسارتۋعا ىقپال ەتەدٸ.
«2005-2018 جىلدار ارالىعىندا قازاقستانعا اتالعان ەلدەردەن 876,3 ملن اقش دوللارى كٶلەمٸندە تٸكەلەي ينۆەستيتسييا تارتىلعان. قازاقستان مەن جوعارىدا كٶرسەتٸلگەن مەملەكەتتەر ٶزەكتٸ حالىقارالىق پروبەلاماردى رەتتەۋ جٶنٸندەگٸ ٶز ٸس-قيمىلدارىن تىعىز ٷيلەستٸرە وتىرىپ, كٶپجاقتى جەنە ەكٸجاقتى فورماتتاردا تيٸمدٸ ٸس-قيمىل جاساۋدا», - دەدٸ ول.
ەسكە سالا كەتسەك, قازاقستانعا ۆيزاسىز رەجٸمدە كٸرە الاتىن مەملەكەتتەردٸڭ تٸزٸمٸ 12 ەلمەن تولىعاتىنى تۋرالى بۇعان دەيٸن حابارلانعان بولاتىن.
