جۋىردا 100 جىلدىق مەرەيتويىن اتاپ ٶتكەن سوعىس ارداگەرٸ قايىرلى جونقاباەۆ جەڭٸس ساربازدارىنا كٶرسەتٸلٸپ جاتقان قۇرمەت ٷشٸن قر پرەزيدەنتٸ قاسىم-جومارت توقاەۆتىڭ اتىنا حات جولداپ, باتاسىن بەردٸ. مەملەكەت باسشىسىنىڭ باسپاسٶز حاتشىسى بەرٸك ۋەلي قارت مايدانگەردٸڭ حاتىمەن Facebook-تەگٸ پاراقشاسىندا بٶلٸستٸ, دەپ حابارلايدى قازاقپارات.
«قۇرمەتتٸ قاسىم-جومارت كەمەلۇلى! مەن جونقاباەۆ قايىرلى ۋاتايۇلى – ۇلى وتان سوعىسىنىڭ ارداگەرٸمٸن. سٸزگە ەكٸنشٸ رەت حات جولداپ وتىرمىن. الدىڭعى حاتىما ٶزٸڭٸزدەن جاۋاپ الىپ, ريزا بولدىم.
مەن جاقىندا 100 جاسقا كەلٸپ, عاسىر تويىما جەتتٸم.
مەنٸڭ سٸزگە دەگەن العىسىم شەكسٸز. الماتى قالاسىنىڭ ەكٸمٸ باقىتجان ساعىنتاەۆ سٸزدٸڭ مەنٸڭ عاسىر تويىما ارناپ جولداعان قۇتتىقتاۋىڭىزدى جەتكٸزدٸ, سەن-سالتاناتپەن تابىس ەتتٸ.
ودان سوڭ الماتىدا تۇرىپ جاتقان ٷيٸمنٸڭ اۋلاسىنا ۇلتتىق ۇلان ساربازدارى قۇتتىقتاپ كەلٸپ, ەسكەري وركەستر ويناپ, ەرەكشە ٸلتيپات, قۇرمەت كٶرسەتتٸ. ۇلتتىق ۇلان باس قولباسشىسىنىڭ اتىنان سىي-سيياپات بەردٸ. «عاسىر جاساعان پانفيلوۆشى» دەپ باق جارىسا جارييالادى. ماعان كٶرسەتكەن وسىنداي قۇرمەتتەرٸڭٸزگە قارت مايدانگەردٸڭ اتىنان ٷلكەن العىسىمدى بٸلدٸرٸپ, اق باتامدى بەرەمٸن.
وسىلاي, جەڭٸس ساربازدارىنا كٶرسەتٸپ جاتقان قۇرمەتٸڭٸز, سوعىستان قايتپاعان, مايدان دالاسىندا جەنە كەيٸن قازا بولعان بوزداقتاردىڭ رۋحىنا تاعزىم ەتۋ دەپ تٷسٸنەمٸن. ولاردىڭ ارۋاقتارى رازى بولعاي!
ەلٸمٸز ٷشٸن اتقارىپ جاتقان وڭ ٸستەرٸڭٸز تابىستى بولسىن. سٸز باسقارىپ وتىرعان قازاق ەلٸ گٷلدەنە بەرسٸن!», - دەپ جازدى الماتى قالاسىنىڭ تۇرعىنى, قارت مايدانگەر ق.جونقاباەۆ ٶز حاتىندا.
ەسكە سالساق, 10 قىركٷيەك كٷنٸ الماتى ەكٸمٸ باقىتجان ساعىنتاەۆ مەملەكەت باسشىسىنىڭ قايىرلى جونقاباەۆتى جٷز جىلدىق مەرەيتويىمەن قۇتتىقتاعان حاتىن جەتكٸزٸپ, «ەڭبەگٸ ٷشٸن» تٶسبەلگٸسٸن تابىس ەتتٸ.
ق.توقاەۆتىڭ قۇتتىقتاۋىندا ق.جونقاباەۆ سۇراپىل جىلدارى ۇلى وتان سوعىسىنا اتتانىپ, كەڭەس وداعىنىڭ باتىرى يۆان پانفيلوۆ باسقارعان ەيگٸلٸ 8-گۆاردييالىق اتقىشتار ديۆيزيياسى قۇرامىندا پۋلەمەتشٸ بولعانى, مەسكەۋدٸ قورعاۋدان باستالعان مايدان جورىعىندا بەلارۋس, پولشا, ەستونييا جەرلەرٸن جاۋدان ازات ەتۋگە قاتىسىپ, رجەۆتەگٸ قاندى ۇرىستا ەرەن ەرلٸكتٸڭ ٷلگٸسٸن كٶرسەتكەنٸ اتاپ ٶتٸلگەن.
«باتىرلىقتىڭ بەلگٸسٸندەي بولىپ «قىزىل جۇلدىز», ٸٸ دەرەجەلٸ «وتان سوعىسى» وردەندەرٸ جەنە «ەرلٸگٸ ٷشٸن», «مەسكەۋدٸ قورعاعانى ٷشٸن» مەدالدارى كەۋدەڭٸزدە جارقىراپ تۇر.
بەيبٸت كەزەڭدە ەسەلٸ ەڭبەك ەتٸپ, ەلٸمٸزدٸ ٶركەندەتۋگە مول ٷلەس قوستىڭىز. عاسىرلىق عۇمىرىڭىزدا قازاقستان تەۋەلسٸزدٸگٸنٸڭ 30 جىلدىعىنا دا كۋە بولىپ وتىرسىز. «قارتى بار ەلدٸڭ قازىناسى بار» دەگەن. ەردايىم ٶسكەلەڭ ۇرپاققا اقىل-كەڭەسٸڭٸزدٸ ايتىپ, تاعىلىم بەرۋ ٶمٸرلٸك قاعيداتىڭىزعا اينالدى.
100 جىلدىق تورقالى تويىڭىزعا وراي سٸزگە زور دەنساۋلىق جەنە ەۋلەتٸڭٸزگە اماندىق پەن قۇت-بەرەكە تٸلەيمٸن», - دەگەن مەملەكەت باسشىسى ٶز حاتىندا.
1941 جىلى سوعىسقا اتتانعان ق.جونقاباەۆ نەبەرٸ 20 جاستا بولعان. بٷگٸندە قارت جاۋىنگەر 5 بالادان 7 نەمەرە, 14 شٶبەرە سٷيٸپ وتىر.
