قىزىلوردا قالاسىندا تۇراتىن مەيٸرگەر گٷلسٸم دوساەۆا مەديتسينا سالاسىندا وتىز جىلدان استام ۋاقىتتان بەرٸ قىزمەت اتقارىپ كەلەدٸ. ول ٶزٸنە قاراستى اۋماقتاعى تۇرعىنداردىڭ ەربٸرٸنٸڭ مەكەن-جايىن جاقتا بٸلەدٸ, دەپ حابارلايدى قازاقپارات.
بٷگٸندە №3 قالالىق ەمحانانىڭ مەيٸرگەر قىزمەتٸن اتقاراتىن گٷلسٸم دوساەۆا قارماقشى اۋدانىنىڭ اقجار اۋىلىندا 1966 جىلى دٷنيەگە كەلگەن. بالا كەزٸنەن دەرٸگەر بولۋدى ارمانداعان ول 1983 جىلى قىزىلوردا مەديتسينالىق كوللەدجٸنە وقۋعا تٷسٸپ, ونى فەلدشەر ماماندىعى بويىنشا ويداعىداي اياقتادى.
العاش ەڭبەك جولىن مەديتسينالىق بەكەتتە مەيٸربيكە بولىپ باستاعان گٷلسٸم 1991 جىلدان باستاپ №1 قالالىق ەمحانادا قىزمەتٸن جالعاستىردى. اتالعان ەمحانادا 20 جىلدان استام ۋاقىت بويى حالىققا قىزمەت كٶرسەتٸپ, كٶپتٸڭ العىسىنا بٶلەنەدٸ.
«مەديتسينا سالاسى قاشاندا ٷلكەن جاۋاپكەرشٸلٸكتٸ تالاپ ەتەتٸنٸ بەلگٸلٸ. بٸز مۇنى ەشقاشان ەستەن شىعارعان ەمەسپٸز. الدىمىزعا كەلگەن ەربٸر ناۋقاستىڭ دەرتٸنەن جازىلىپ شىعۋىنا قول ۇشىن سوزامىز. وسىلايشا ەلدٸڭ العىسىنا بٶلەنٸپ جاتاتىن كەزٸمٸز از ەمەس», - دەدٸ مەيٸربيكە گٷلسٸم.
مەيٸرگەر 10 مىڭعا تارتا تۇرعىنعا قىزمەت كٶرسەتكەن ول ٶز ٸسٸنٸڭ ناعىز مايتالمان مامانى. تۇرعىنداردى تۋىسىنداي جاقىن تۇتىپ, ەربٸرٸنٸڭ جەكە باسىن انىقتايتىن مەلٸمەتتەرٸن جيناقتايدى. ولاردىڭ ەربٸرٸنٸڭ مەكەن-جايىن جاتقا بٸلەتٸن مەيٸربيكە جۇمىسىنا دەگەن جاۋاپكەرشٸلٸكتٸ بەرٸنەن بيٸك قويادى.
تەجٸريبەلٸ مامان 2012 جىلى №3 قالالىق ەمحاناعا نەفرولوگ مەيٸربيكەسٸ بولىپ جۇمىسقا اۋىستى. مۇندا دا ول تۇرعىنداردان تەك ريزاشىلىق الىپ كەلەدٸ. ونىڭ ناۋقاستاردى ەمدەۋدە, اۋرۋىنان ايىقتىرۋ جولىنداعى ەڭبەگٸ ايتارلىقتاي زور.
«ناۋقاستارعا كٶمەكتەسۋدٸ ەردايىم الدىڭعى كەزەككە قويامىن. ولاردىڭ ساپالى ەم الۋىن تٸكەلەي قاداعالايمىن. وسىلايشا ەربٸر ادامنىڭ ساۋىعىپ كەتۋٸنە جاناشىرلىقپەن قارايمىن», - دەيدٸ ول.
