"استانا" تەلەارناسىنان الىنعان كادر
ورالدا بوسانعان ەيەل 10 كٷننەن بەرٸ كومادا جاتىر. ەيەل ادامنىڭ وتباسى بۇل جاعدايعا دەرٸگەرلەردٸ ايىپتايدى. ولاردىڭ ايتۋىنشا, دەرٸگەرلەر قيىن سەتتە ەشقانداي ەرەكەت ەتپەگەن, - دەپ حابارلايدى Tengrinews.kz اگەنتتٸگٸ "استانا" تەلەارناسىنا سٸلتەمە جاساپ.
تۋىستارىنىڭ ايتۋىنشا, تاڭشولپان مۇقانوۆانىڭ جٷكتٸلٸگٸ جاقسى ٶتكەن. بٸراق بوسانۋىنا بٸرنەشە كٷن بۇرىن باسى اۋىرعان. ناۋقاستىڭ قايىن ەنەسٸ جاڭىل يمانقۇلوۆانىڭ سٶزٸنشە, ەيەل اۋرۋحاناعا جوعارى قان قىسىمىمەن تٷسكەن. جاعدايى ناشارلاعان. بٸراق دەرٸگەرلەر تاڭشولپان ەس-تٷزسٸز بولعان كەزدە عانا جاعدايدى تٷسٸنگەن.
"كەلٸنٸم تٶسەكتە اۋزىنان كٶبٸك شىعىپ جاتتى, قولىن كٶتەردٸ. بٸراق وعان ەشكٸم بارمادى. مۇنى باسقا بوسانعان ەيەلدەر بايقاپ, دەرٸگەر شاقىردى. دەرٸگەرلەر باس اۋرۋىنا شاعىمدانعانىنا نەگە نازار اۋدارمادى? ولار مەنٸڭ كەلٸنٸمدٸ اياعىنان تۇرعىزۋعا, نەمەرەمە اناسىن امان-ساۋ قايتارۋعا مٸندەتتٸ!"- دەيدٸ جاڭىل يمانقۇلوۆا.
تاڭشولپاننىڭ اناسى بيبٸگٷل مۇقانوۆانىڭ ٶزٸ - اكۋشەر. ونىڭ ايتۋىنا, دەرٸگەرلەر نەمقۇرايدى قاراعان. ونىڭ پٸكٸرٸنشە, مۇنداي سيمپتومدار بولسا, شۇعىل تٷردە كونسيليۋم شاقىرىپ, تۋىستارىنا حابارلاپ, اۋىر ناۋقاستى ساناۆياتسييامەن ەلورداعا جٸبەرۋ قاجەت ەكەن.
"نەيروحيرۋرگتىڭ ايتۋىنشا, ميعا قان قۇيىلعان. كٸشكەنتاي تامىرلار جارىلىپ, ميى ٸسٸنگەن. بٸراق قانداي دا بٸر سەبەپتەرمەن دەرٸگەرلەر تاڭەرتەڭگە دەيٸن كونسيليۋم شاقىرماي, كٶمەك كٶرسەتپەي ۇستادى. وپەراتسييا تەك تاڭەرتەڭ جاسالدى. ولار ٷيدە تىنىش ۇيىقتاماسا, ۋاقىتىندا كٶمەك كٶرسەتسە, قىزىم مۇنداي اۋىر جاعدايدا بولماس ەدٸ!" - دەيدٸ ەيەلدٸڭ اناسى.
دەنساۋلىق ساقتاۋ باسقارماسىنىڭ ماماندارى جاعدايدى انىقتاۋعا ۋەدە بەردٸ.
"رەسپۋبليكالىق ماماندارمەن كٷندە كونسيليۋم ٶتكٸزٸلەدٸ. قازٸر كوميسسييا قۇرىلدى, ونىڭ قورىتىندىسى بويىنشا پەريناتالدىق ورتالىقتىڭ مەديتسينا قىزمەتكەرلەرٸنە قاتىستى شارالار قابىلدانادى", - دەپ تٷسٸندٸردٸ بقو دەنساۋلىق ساقتاۋ باسقارماسى باسشىسىنىڭ ورىنباسارى اسحات بالىقوۆ.
تانشولپانعا جەدەل كەسار تٸلٸگٸن جاساعان, ٶمٸرگە قىز بالا كەلگەن. بٸراق وتباسىنىڭ قۋانىشى ۇزاققا سوزىلمادى. تۋىستارى ەيەلدٸڭ ٶمٸرٸن ساقتاپ قالۋىن جەنە كٸنەلٸلەردٸ جازالاۋدى تالاپ ەتٸپ وتىر.
