رەسمي ستاتيستيكاعا سٷيەنسەك, قازاقستاندا ۆيچ ٸندەتٸن جۇقتىرعان 30 مىڭعا جۋىق ادام تٸركەۋدە تۇر. الماتى قالاسىندا وسى دياگنوزبەن ٶمٸر سٷرٸپ جاتقاندار سانى 5 مىڭعا جۋىقتايدى.
جۇرتشىلىق اراسىندا ۆيچ سەكس-يندۋسترييا قىزمەتكەرلەرٸ, گوموسەكسۋاليستەر نەمەسە ناشاقورلاردىڭ اۋرۋى دەگەن جاڭساق پٸكٸر قالىپتاسقان. سەبەبٸ, ۆيرۋس ادام اعزاسىنا قان مەن شەۋەت ارقىلى, انا سٷتٸ ارقىلى دا تارالۋى مٷمكٸن. ول بٸر شپريتستٸ پايدالانعاندا, جىنىستىق قاتىناس كەزٸندە نەمەسە بوسانعان كەزدە انادان بالاعا جۇعادى. ونى مەديتسينا قۇرالدارى دۇرىس زارارسىزداندىرىلماعان جاعدايدا اۋرۋحانالاردا جۇقتىرۋ قاۋپٸ دە جوق ەمەس. بٸراق ۆيچ جۇقتىرعان ناۋقاسپەن بٸر ستاقاننان سۋ ٸشكەننەن, بٸر سٷلگٸ پايدالانعاننان نەمەسە سٷيٸسكەن كەزدە اۋرۋ جۇقپايدى. سونداي-اق, ينفەكتسييا سٸلەكەي ارقىلى نەمەسە اۋا ارقىلى تارالمايدى.
رەسپۋبليكالىق سپيد-كە قارسى كٷرەس ورتالىعىنىڭ مەلٸمەتٸنشە, ٶتكەن جىلى ٸلٸمٸز بويىنشا 2 865 ادام ۆيرۋس جۇقتىرعان. ونىڭ 1 700-دەن استامى – ەر ادامدار, مىڭنان استامى – ەيەلدەر. 62 پايىزى گەتەروسەكسۋالدىق قاتىناس سالدارىنان بولعان. سىرقاتقا شالدىققانداردىڭ باسىم بٶلٸگٸ 30 بەن 49 جاس ارالىعىنداعىلار.
«بۇل اۋرۋ ەر كەزەڭدە ەرتٷرلٸ سيمپتومدارعا يە. ۆيرۋس جۇقتىرعاننان كەيٸن العاشقى 2-4 اپتادا ناۋقاستاردىڭ 40-90 پايىزى ٶزدەرٸن سۋىق تيگەندەي سەزٸنەدٸ. دەنەسٸ دەل-سال بولىپ, تاماعى اۋىرادى, توڭىپ, ٷستٸ قىشيدى, اۋىز قۋىسىندا جارا پايدا بولىپ, ليمفا بەزدەرٸ ۇلعايادى. تەستەردٸڭ بەرٸ بولماسا دا كٶپشٸلٸگٸ ۆيرۋس ارقىلى بٶلٸنەتٸن انتيدەنەلەردٸ انىقتاي الادى. دەگەنمەن ەر جارتى جىلدا نەمەسە جىلىنا بٸر رەت ۆيچ-كە تەست تاپسىرۋدى ەدەتكە اينالدىرعان جٶن. ونىڭ ٷستٸنە, قازاقستاندىقتار تەكسەرۋدٸڭ بۇل تٷرٸنەن تۇرعىلىقتى ەمحاناسى ارقىلى تەگٸن ٶتە الادى», - دەيدٸ مەديتسينالىق ساقتاندىرۋ قورىنىڭ الماتى فيليالى ديرەكتورى تٸلەۋحان ەبٸلداەۆ.
يممۋن تاپشىلىعى ۆيرۋسىن ەمدەۋگە بولادى. بٸراق ودان تولىق ايىعىپ كەتۋ مٷمكٸن ەمەس. رەتروۆيرۋسقا قارسى كٷشەيتٸلگەن تەراپييانىڭ ارقاسىندا ۆيرۋس جۇقتىرعان پاتسيەنتتەردٸڭ ٶمٸرٸن 70-80 جاسقا دەيٸن ۇزارتۋعا بولادى, دەيدٸ مامان.
«ۆيرۋس انىقتالعان جاعدايدا ناۋقاس ەڭ الدىمەن سپيد ورتالىعىنا بارىپ تٸركەلۋٸ قاجەت. ٶيتكەنٸ, اۋرۋدى باقىلاۋدا ۇستاۋدىڭ ماڭىزى ٶتە زور. ەسەپتە تۇرعان ازاماتتار كەپٸلدەندٸرٸلگەن تەگٸن مەديتسينالىق كٶمەك شەڭبەرٸندە رەتروۆيرۋسقا قارسى ەمدٸ تەگٸن الا الادى. دەر كەزٸندە ەمدەلمەسە يممۋن تاپشىلىعى ۆيرۋسى سپيد-كە اينالىپ كەتەدٸ», - دەپ قوستى ت. ەبٸلداەۆ.
ايتۋىنشا, ەسەپتە تۇرعان ازاماتتار رەتروۆيرۋسقا قارسى ەمدٸ تەگٸن الا الادى. ۆيچ جۇقتىرعان انالاردىڭ بالالارىنا ارنالعان تاعامدار مەن دەرٸ-دەرمەك تەگٸن بەرٸلەدٸ.
