2021 جىلى بجزق-دان اي سايىنعى زەينەتاقى تٶلەمٸ ەڭ تٶمەنگٸ كٷنكٶرٸس دەڭگەيٸنٸڭ 70% كەم ەمەس مٶلشەردە جٷزەگە اسىرىلادى. بۇرىن بجزق-دان اي سايىنعى زەينەتاقى تٶلەمٸ ەڭ تٶمەنگٸ كٷنكٶرٸس دەڭگەيٸنٸڭ 54% كەم ەمەس مٶلشەردە جٷزەگە اسىرىلعان بولاتىن. وسىلايشا الۋشىلاردىڭ كٶپشٸلٸگٸندە بجزق-دان الاتىن تٶلەمدەردٸڭ مٶلشەرٸ ۇلعايدى. بۇل تۋرالى بجزق-نىڭ باسپاسٶز قىزمەتٸ حابارلادى.
ەسكەرتە كەتسەك, 2021 جىلدىڭ 1 سەۋٸرٸنەن باستاپ بجزق-دان تٶلەنەتٸن اي سايىنعى زەينەتاقى تٶلەمٸنٸڭ مٶلشەرٸ قازاقستان رەسپۋبليكاسى ٷكٸمەتٸنٸڭ 2013 جىلعى 2 قازانداعى № 1042 قاۋلىسىنىڭ ەرەجەلەرٸنە سەيكەس جاڭا ەدٸستەمە بويىنشا ەسەپتەلەدٸ.
وسى ەدٸستەمەگە سەيكەس زەينەتاقى تٶلەمدەرٸن جٷزەگە اسىرۋدىڭ بٸرٸنشٸ جىلىنداعى زەينەتاقى تٶلەمدەرٸنٸڭ جىلدىق سوماسى زەينەتاقى جيناقتارى سوماسىنىڭ زەينەتاقى جيناقتارى تٶلەمدەرٸنٸڭ مٶلشەرلەمەسٸنە كٶبەيتٸندٸسٸ رەتٸندە ەسەپتەلەتٸن بولادى – 6,5 %. ودان كەيٸنگٸ جىلدارى اي سايىنعى زەينەتاقى تٶلەمٸنٸڭ مٶلشەرٸ ٶتكەن جىلعى اي سايىنعى زەينەتاقى تٶلەمٸنٸڭ مٶلشەرٸن زەينەتاقى تٶلەمدەرٸن يندەكستەۋ مٶلشەرلەمەسٸنە جىل سايىن ارتتىرۋ جولىمەن قايتا ەسەپتەلەتٸن بولادى – 5%.
ەگەر زەينەتاقى جيناقتارىنىڭ سوماسى ٶتٸنٸش بەرگەن كٷنگە ەڭ تٶمەنگٸ زەينەتاقىنىڭ ون ەكٸ ەسەلەنگەن مٶلشەرٸنەن اسپايتىن بولسا تيٸستٸ قارجى جىلىنا بەلگٸلەنگەن رەسپۋبليكالىق بيۋدجەت تۋرالى زاڭعا سەيكەس اتالعان سوما الۋشىعا بجزق-دان بٸر-اق رەت تٶلەنەدٸ ( 2021 جىلى – 519 264 تەڭگە = 12 * 43 272).
بجزق-دان زەينەتاقى تٶلەمدەرٸن الۋ قۇقىعىن 2018 جىلعى 1 قاڭتارعا دەيٸن ٸسكە اسىرعان ادامدارعا زەينەتاقى تٶلەمٸنٸڭ جىل سايىنعى مٶلشەرٸ ەڭ تٶمەنگٸ زەينەتاقىنىڭ وتىز ەسەلەنگەن مٶلشەرٸنەن كەم بولمايدى (2021 جىلى 30 ح 43 272= 1 298 160 تەڭگە). تٶلەمدەر بۇرىن تاڭدالعان كەستە بويىنشا جٷزەگە اسىرىلادى.
2018 جىلعى 1 قاڭتاردان باستاپ 2021 جىلدىڭ 1 سەۋٸرٸنە دەيٸن زەينەتاقى تٶلەمدەرٸن الا باستاعان زەينەتتەگٸ ادامدارعا تٶلەمدەردٸ ەسەپتەۋدٸڭ جاڭا ەدٸستەمەسٸندەگٸ ٶزگەرٸستەردٸڭ قاتىسى بولمايدى. 2021 جىلى ولار بجزق-دان ەسكٸ ەدٸستەمە بويىنشا (جيناقتار سوماسى اعىمداعى قۇن كوەففيتسيەنتٸنە كٶبەيتٸلٸپ, 12 ايعا بٶلٸنگەن كەزدە) ەسەپتەلگەن تٶلەمدەردٸ الۋدى جالعاستىرا بەرەدٸ. بٸراق 2022 جىلدان باستاپ ولاردىڭ قازٸرگٸ الىپ جٷرگەن تٶلەمدەرٸنٸڭ سوماسى 5%-عا ۇلعايتىلاتىن بولادى.
بۇدان باسقا, زەينەتاقى تٶلەمدەرٸنٸڭ مٶلشەرٸن ەسەپتەۋدٸ جٷزەگە اسىرۋ ەدٸستەمەسٸندە بەلگٸلٸ بٸر ساناتتارعا جاتاتىن, ياعني مەرزٸمسٸز ۋاقىتقا بەلگٸلەنگەن 1 نەمەسە 2-توپتاعى مٷگەدەكتٸگٸ بار, سونداي-اق, جيناقتارى مٸندەتتٸ كەسٸپتٸك زەينەتاقى جارنالارى ەسەبٸنەن كەمٸندە الپىس اي جيناقتالاتىن زيياندى جەنە قاۋٸپتٸ ٶندٸرٸستەردە جۇمىس ٸستەگەن الۋشىلار ٷشٸن تٷزەتۋلەردٸ ارتتىرۋ كوەففيتسيەنتتەرٸ كٶزدەلگەن. بۇل رەتتە, ەگەر ادامنىڭ بٸرنەشە ساناتتارعا قاتىسى بولسا وندا ەڭ ٷلكەن مەنگە يە تٷزەتۋ كوەففيتسيەنتٸ قولدانىلادى.
ەستەرٸڭٸزگە سالا كەتەيٸك, بجزق-دان زەينەتاقى تٶلەمدەرٸ جەكە زەينەتاقى شوتىنداعى زەينەتاقى جيناقتارى تاۋسىلعانعا دەيٸن جٷزەگە اسىرىلادى.
