فوتو: trend.az
قازاقستاندا 1 ميلليوننان استام ادام مەديتسينالىق ساقتاندىرۋ جارناسىن تٶلەي المايدى. ولارعا مەملەكەت كٶمەكتەسۋٸ مٷمكٸن. بۇل تۋرالى دەنساۋلىق ساقتاۋ بٸرٸنشٸ ۆيتسە-مينيسترٸ تيمۋر سۇلتانعازيەۆ مەلٸمدەدٸ, دەپ حابارلايدى Sputnik قازاقستان.
رەسمي مەلٸمەتكە سەيكەس, قازاقستاندا 3 ميلليوننان استام ادام مەديتسينالىق ساقتاندىرۋ قورىنا جارنا تٶلەمەيدٸ.
"ولاردىڭ ٸشٸندە 1 ميلليونعا جۋىعى شىنىمەن دە ٶزدەرٸ ٷشٸن مەديتسينالىق ساقتاندىرۋ قورىنا جارنا تٶلەي الماي جٷر. قازٸرگٸ كەزدە وسى مەسەلەنٸ شەشۋ جولدارى قاراستىرىلىپ جاتىر. بٸرنەشە ۇسىنىس بار. سونىڭ ٸشٸندە جەرگٸلٸكتٸ اتقارۋشى ورگانداردى تارتۋ ارقىلى مەسەلەنٸ شەشۋ مەحانيزمٸ قاراستىرىلعان", - دەدٸ سۇلتانعازيەۆ ورتالىق كوممۋنيكاتسييالار قىزمەتٸندە ٶتكەن بريفينگتە.
ونىڭ سٶزٸنە قاراعاندا, ساقتاندىرۋ جارناسىن سۋبسيدييالاۋ نەمەسە باسقا دا شارالار ارقىلى كٶمەك بەرٸلۋٸ مٷمكٸن. ال قالعان 1,5-2 ميلليون ادام ٶزدٸگٸمەن جارنا تٶلەي الادى.
"بٸز وسى ادامدارمەن دە جۇمىس ٸستەيمٸز. نەگٸزگٸ ماقسات – ولاردى مەديتسينالىق ساقتاندىرۋ جٷيەسٸنە تارتۋ", - دەپ اتاپ ٶتتٸ ۆيتسە-مينيستر.
ايتا كەتەرٸ, مەديتسينالىق ساقتاندىرۋ قورىنا جارنا تٶلەمەيتٸن ادامدار تەگٸن القاشقى مەديتسينالىق كٶمەكتٸ شاقىرتا الادى. ال قىمبات وپەراتسييا ٷشٸن مەديتسينالىق ساقتاندىرۋ جارناسى تٶلەنۋٸ شارت. سوڭعى ٶزگەرٸستەرگە سەيكەس, جارنانى بٸر جىلعا الدىن الا تٶلەپ, قاجەتتٸ مەديتسينالىق كٶمەكتٸ الا بەرۋگە بولادى.
