2020 جىلدىڭ 1 قازانىنان باستاپ ازاماتتارىمىزدىڭ كونستيتۋتسييالىق قۇقىعىنا قاتىستى ٸستەر بويىنشا باستى پروتسەسۋالدىق شەشٸمدەر شىعارۋ ەلەكتروندى فورماتقا كٶشٸرٸلەدٸ.
بۇل تۋرالى قر باس پروكۋرورىنىڭ ورىنباسارى مارات احمەتجانوۆ ايتتى, دەپ حابارلايدى قازاقپارات.
«1 قازاننان باستاپ سوتقا دەيٸنگٸ تەرگەۋمەن اينالىساتىن بارلىق قۇقىق قورعاۋ ورگاندارى ازاماتتارىمىزدىڭ كونستيتۋتسييالىق قۇقىعىن قوزعايتىن ٸستەر بويىنشا باستى پروتسەسسۋالدىق شەشٸم شىعارۋدى ەلەكتروندى فورماتقا كٶشٸرەدٸ. كەشە ەلٸمٸزدٸڭ باس پروكۋرورى پاۆلودار وبلىسىنا جۇمىس ساپارىمەن بارىپ, جاڭاشىلدىق ٸس جٷزٸندە قالاي ەرەكەت ەتەتٸندٸگٸمەن, ونىڭ مٷمكٸندٸگٸمەن تانىستى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ ايتۋىنشا, 1 قازاننان باستاپ كەز كەلگەن پروتسەسسۋالدىق شەشٸم شىعارىلعاننان كەيٸن بٸردەن سوتقا دەيٸنگٸ تەرگەۋدٸڭ بٸرىڭعاي تٸزٸمٸنە ەنگٸزٸلەتٸن بولادى. ال ول قاداعالاۋشى پروكۋرور مەن پروتسەسسۋالدىق پروتسەستٸڭ ٶزگە دە قاتىسۋشىلارىنا كٶرٸنٸپ تۇرادى. ٶز كەزەگٸندە پروكۋرور شەشٸمنٸڭ زاڭدىلىعىن دەر ۋاقىتىندا قاداعالاي الادى. زاڭ بۇزۋشىلىق ورىن العان جاعدايدا ول ەلەكتروندى فورماتتى جويادى.
«پرەزيدەنت اتاپ ٶتكەندەي, قاداعالاۋدىڭ كەشەۋٸلدەۋ جاعدايى بار. قاعاز نۇسقادا ونى بۇرمالاۋعا, ٶزگەرتۋگە بولادى. ال مۇنى بولدىرماۋ تەسٸلٸنٸڭ بٸرٸ – تسيفرلاندىرۋ. بۇل پروكۋرورلارعا قوسىمشا ٶكٸلەتتٸك ەمەس, قىلمىستىق ٸستەردە ازاماتتاردىڭ قۇقىعى ٷشٸن قوسىمشا جاۋاپكەرشٸلٸك جٷكتەيدٸ. سوندىقتان دا بٸز مۇنىڭ قالاي جۇمىس ٸستەيتٸندٸگٸن پاۆلودار وبلىسىندا بايقاپ كٶردٸك, بەيٸمدەدٸك جەنە 1 قازاننان باستاپ بٷكٸل ەلٸمٸزگە بۇل جٷيەنٸ ەنگٸزۋگە بولادى دەگەن پايىمعا كەلدٸك», - دەدٸ مارات احمەتجانوۆ.
