Фото: instagram.com/step_notsleep
Степногорск қаласындағы зергерлік бұйымдар дүкенін тонағандар ұсталды, - деп хабарлайды "Ұлт ақпарат" Polisia.kz сайтына сілтеме жасап.
"Криминалдық полиция басқармасы мен полиция басқармасының жедел қызметкерлері жүргізген арнайы операцияның нәтижесінде зергерлік дүкеннің мұқият жоспарланған тонауы анықталды.
1 мамырда Степногорск қаласында белгісіз біреулер жертөлені ойып, дүкенге кіріп, жалпы құны 180 миллион теңге болатын зергерлік бұйымдарды ұрлаған.
Бұл дерекке қатысты ҚР ҚК 188-бабы 4-бөлігі бойынша сотқа дейінгі тергеу басталды. ПД басшылығының нұсқауы бойынша бірнеше жедел топ құрылып, Ақмола және көрші өңірлердің аумағында бірқатар жедел-іздестіру іс-шаралары жүргізілді" - делінген хабарламада.
Нәтижесінде елордада екі күдікті ұсталған. Олар - 1977 және 1988 жылы туған Астана қаласының тұрғындары. Заттай дәлелдемелер алынып, ұялы телефондар, байланыс құралдары және ұсталғандар мініп жүрген көлік тәркіленген.
Қазір қылмыстық істі тергеу жалғасып жатыр. Күдіктілер қамауға алынды.
565 рет оқылды
