видеодан алынған кадр
Оралда тұрғын үйден 4 млн теңге мен алтын әшекейлер ұрлаған күдікті ұсталды, – деп хабарлайды Polisia.kz.
ІІМ баспасөз қызметінің мәліметінше, Орал қаласындағы жер үйлердің бірінде қожайындарының жоқтығын пайдаланған қаскөй ұрлыққа түскен. Торы жоқ қосалқы үй-жайдың кішкентай терезесін сындырып кіріп, ішінен 4 млн теңге мен алтын әшекейлерді ұрлап әкеткен.
"Оралдағы Абай полиция бөлімшесінің қызметкерлері жедел-іздестіру шараларын жүргізу барысында 43 жастағы қала тұрғынын анықтап ұстады. Ол бұрын осындай іспен қылмыстық жауапкершілікке тартылған. Мүлік ішінара тәркіленді, кейбір заттарды арзан бағамен сатып үлгерген.
Қазіргі уақытта ҚР ҚК-нің 188-бабы 3-бөлігіне (Ұрлық) сәйкес, сотқа дейінгі тергеу амалдары жүргізіліп жатыр" - делінген хабарламада.
719 рет оқылды
