12 тіл білетін қазақ жігіті Хабиб Нурмагомедовке арабша үйрететін болды, - деп хабарлайды Tengrinews.kz.
Мейіржан Таштай 12 тілді жақсы меңгерген. Үйреніп жүргені де бар. Бұл тізімде қазақ, орыс, араб, түрік, өзбек, ағылшын, француз, итальян, испан, суахили, урду, корей, хинди, сомали, индонезиялық, қытай тілдері бар.
Тіл үйретумен айналысатын оның бүгінде оқушылары көп. Олардың қатарына жақын арада UFC экс-чемпионы Хабиб Нурмагомедов те қосылады. Бұл туралы Мейіржан Instagram-да бөлісті.
"Ин ша Аллах Хабиб менімен онлайн түрде араб тілін үйренетінін айтты. Аллаға шүкір осы деңгейге жеткізгеніне", - деп жазды ол.
Мейіржан Таштайдың сөзінше, ол Хабиб Нурмагомедовпен Меккеде танысқан. "Бірге ауыз аштық" дейді.
"Хабиб соңғы кездесуде маған үйретші деп ұсыныс жасады. Ин ша Аллах бәлкім Рамазаннан кейін жазып қалуы мүмкін", - деді ол.
2505 рет оқылды
_48_48.jpg)
