Фото: Kazakfilmstudios.kz
Сыбайлас жемқорлыққа қарсы іс-қимыл агенттігі Мемлекет басшысының заңсыз сатып алынған активтерді іздеу және қайтару жөніндегі тапсырмаларын орындау мақсатында «Шәкен Айманов атындағы «Қазақфильм» АҚ бұрынғы президентінің қылмыстық әрекетін әшкереледі, деп хабарлайды "Ұлт ақпарат" Антикордың баспасөз қызметіне сілтеме жасап.
2017 жылы Алматы облысының Іле өзен жағасындағы «Көшпенді» киножобасы аясында салынған «Түркістан» жасанды бекінісі Мәдениет және спорт министрлігінің бұрынғы басшылығымен үлестес коммерциялық ұйымның нарықтық құнынан 44 есе төмен бағамен сатылған.
"Қазіргі уақытта осы активті және жер учаскесін мемлекетке қайтару бойынша шаралар қабылданып жатыр.
Қылмыстық-процестік кодексінің 201-бабына сәйкес өзге ақпарат жария етуге жатпайды. Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі" - делінген хабарламада.
1264 рет оқылды
