Фото: Polisia.kz
21 жастағы алматылық жігіт талапкерлерге жоғары оқу орындары мен әскери кафедраға түсуге көмектесемін деп бес миллион теңгеден астам ақша иемденген, - деп хабарлайды "Ұлт ақпарат" Polisia.kz сайтына сілтеме жасап.
"Бұл жолы біздің бөлімшенің криминалдық полиция қызметкерлері 21 жастағы К. есімді ер адамды ұстады. Жас және көпшіл "маман" алдау және сенімге кіру арқылы қарапайым баюдың тізбегін ойлап тауып, қала тұрғындарының ақшасын иемденді. Қаскөй талапкерлердің өздерінен және ата-анасынан алдын ала ақша алып, университетке түсу кезінде оларға кез келген көмек көрсете алатынын айтып сендірді. Бірақ арам ойымен алдын ала төлемді алған соң, жасырынып қалатын. Алдын ала болжам бойынша, күдікті 5 миллион теңгеден астам қаржыны иемденген", - деді Бостандық аудандық полиция басқармасының бастығы Мақсат Қанапияев.
Қазіргі уақытта ПБ-ның өндірісінде ҚР ҚК-нің 190-бабы 3-бөлігі бойынша осыған ұқсас тоғыз эпизод тергеліп жатыр. Күдіктіге қатысты уақытша ұстау изоляторына қамау түріндегі бұлтартпау шарасы таңдалған.
ҚР ҚПК-нің 201-бабына сәйкес өзге ақпараттар тергеу мүддесіне орай жариялауға жатпайды. ҚР Конституциясының 77-бабының 3-тармағының 1-тармақшасына және ҚР ҚПК-нің 19-бабы 1-бөлігіне сәйкес, заңды күшіне енген сот үкімімен белгіленгенге дейін әрбір адам қылмыстық құқық бұзушылық жасауда кінәсіз деп танылады.
808 рет оқылды
