Фото: © pixabay.com/pkozmin
Америкалық United Airlines әуекомпаниясына тиесілі Boeing 737 ұшағы алдыңғы терезесінде жарықшақ пайда болуына байланысты дереу бағытын өзгертті, - деп хабарлайды Tengritravel.kz сайты The Independent басылымына сілтеме жасап.
Лас-Вегастан Вашингтонға ұшқан бортта тосын жағдай тіркелді. Ақауға байланысты лайнер Денверге қонуға мәжбүр болды. Ұшақта 166 жолаушы және 7 экипаж мүшесі болған.
United Airlines өкілі журналистерге берген сұхбатында "ұшақ техникалық қызмет көрсету мәселелеріне байланысты бағытын өзгертті" деп айтқан. Әуекомпаниядағылар ұшақтың жерге сәтті қонғанын және жолаушылардың басқа бортқа отырғызылғанын мәлімдеді.
1895 рет оқылды
