Foto: Aqordanyń baspasóz qyzmeti
Eks-ministr Zúlfiia Súleimenova jańa qyzmetke taǵaiyndaldy, - dep habarlaidy "Ult aqparat".
"Memleket basshysynyń ókimimen Zúlfiia Bolatqyzy Súleimenova Qazaqstan Respýblikasy Prezidentiniń keńesshisi – Prezidenttiń halyqaralyq ekologiialyq yntymaqtastyq jónindegi arnaýly ókili laýazymyna taǵaiyndaldy", - delingen Aqorda habarlamasynda.
Zúlfiia Súleimenova 1990 jyly Aqtóbe qalasynda dúniege kelgen. Eýraziia ulttyq ýniversitetinde "Halyqaralyq qatynastar" mamandyǵy boiynsha bakalavr, odan keiin magistr dárejesin aldy. 2019 jyly Prezidenttik jastar kadrlyq rezervine endi.
Ekologiia jáne tabiǵi resýrstar ministrliginde klimattyq saiasat pen jasyl tehnologiialar deparatmenti direktorynyń orynbasary bolyp jumys istedi. BUU ekonomikalyq jáne áleýmettik komissiiasynyń konsýltanty, Prezident janyndaǵy strategiialyq zertteýler institýtynyń ǵylymi qyzmetkeri boldy.
Al 2022 jyly Ekologiia, geologiia jáne tabiǵi resýrstar vitse-ministri qyzmetine taǵaiyndaldy.
Buǵan deiin Ekologiia jáne tabiǵi resýrstar ministri laýazymyn atqardy. Aita keteiik, Súleimenova Úkimettegi eń jas ministr boldy.
