Koronavirýs indetinen qorǵanǵandai, kiberkeńistikke de ózine tán maska men sanitaizeri, iaǵni qorǵanys quraldary bolýy kerek. Bul týraly Ortalyq kommýnikatsiialar ortalyǵynda «Ózińdi jáne jaqyndaryńyzdy býlling jáne kiberbýllingten qalai qorǵaýǵa bolady» taqyrybynda ótken brifingte aityldy, dep habarlaidy QazAqparat.
«Balaǵa planshetti bergen kezdegi maqsatyńyz ýaqytyńyzdy ózińizge, dostaryńyzben sóilesýge arnaý bolsa - keiin úlken problemaǵa tap bolasyz. Balańyzdyń qolyna planshet ustatqan sátten bastap qaýipsizdik sharalary týraly túsindirýińiz kerek. Odan keiin ózińiz qyr-syryn biletin, qadaǵalai alatyn nárselerdi ǵana kórýge ǵana ruqsat etýińiz kerek», - deidi Ortalyq Aziiadaǵy, TMD jáne Baltyq elderindegi Kasperskii zerthanasynyń basqarýshy direktory Evgenii Pitolin.
«Qazaqstan internet qaýymdastyǵy» ZTB prezidenti Shavkat Sabirov qaýipsiz, ziiansyz bolyp kórinetin mobildik qosymshalar shyn máninde balany ózine elitip, táýeldi etip tastaýy múmkin ekenin aitty.
«Áleýmettik jelide ata-analar balasy dalaǵa shyǵyp ketkenin, úide kompiýteri qosylyp qalǵanyn, balasynyń ne kórip otyrǵanyn bilý úshin kompiýterdi aqtaryp kórýge bola ma eken dep keńes surap otyrady. Kóbi balanyń quqyǵyn buzýǵa bolmaitynyn, jeke keńistigine ótpeý týraly keńes berse, keibiri ol jeke keńistikke ótý emes, balaǵa janashyrlyq ekenin jazady. Áleýmettik jeliler arqyly balaǵa qandai qaýip tónýi múmkin ekeni týraly kóp aitylyp, kóp jazylýy kerek. Bul turǵyda memlekettiń qoldaýy asa qajet. Koronavirýs indetinen qorǵanǵandai, kiberkeńistikke de ózine tán maska men sanitaizeri, iaǵni qorǵanys quraldary bolýy kerek», - deidi ol.
