Jyljymaityn múlik baǵasynyń aspandaýy – búkilálemdik trend. Bul týraly qarasha aiyndaǵy baspana baǵasyna taldaý jasaǵan ranking.kz jazdy, dep habarlaidy QazAqparat.
Saittyń málimeti boiynsha, qarasha aiynda Qazaqstanda jańa turǵyn úi baǵasy 0,6%, iaǵni, sharshy metri úshin 354,7 myń teńgege deiin ósken. Al qaitalama naryqtaǵy baǵa bir aida 1,1% nemese sharshy metri úshin 282,3 myń teńgege deiin jetken.
Osylaisha bir jyldyń ishinde jańa turǵyn úi naryǵynda baǵanyń ósýi 15,2%, qaitalama turǵyn úi naryǵynda 23,1% bolyp otyr.
«Jalpy jyljymaityn múlik baǵasynyń aspandaýy – jalpy álemdik trend. Qazaqstanda biylǵy ekinshi toqsannyń qorytyndysy boiynsha jańa turǵyn úi baǵasynyń ósýi bir jyl ishinde 11,2% bolsa, «Eýrostat» deregi boiynsha, Túrkiiada, birden 33%, Chehiiada 14,7%, Litvada 12,5%, Estoniiada 11,9%, ósim tirkelgen. Liýksembýrg pen Niderland elinde de páter baǵasynyń ósýi deńgeii Qazqastannan joǵary», - dep jazady ranking.kz.
Analitikalyq resýrs Qazaqstannyń Ulttyq banki jyldyq mólsherlemeni 9,75%-ǵa deiin kóterý arqyly infliatsiialyq qysymnyń áserin báseńsitkenin, sonyń arqasnyda bizdeg baspana baǵasy álemdik trend deńgeiinen áldeqaida tómen bolyp tur degen qorytyndy jasaidy.
«Knight Frank LLP sarapshylarynyń málimetteri boiynsha, sholýda qarastyrylǵan álemniń 150 iri qalasynyń 9-ynda úshinshi toqsannyń qorytyndysy boiynsha turǵyn úidiń ortasha quny úshten birge ósti. Jalpy, álemde qalalardaǵy turǵyn úi baǵasy sońǵy 17 jyldaǵy eń jyldam qarqynmen ósýde. Qaralyp otyrǵan qalalar boiynsha ortasha jyldyq ósim úshinshi toqsannyń qorytyndylary boiynsha 10,6% boldy», - delingen sapartamada.
Atalǵan 150 qalanyń ishinde TMD elderinen Reseidiń Sankt-Peterbor (15-shi oryn, jyldyq baǵanyń ósýi — 24,5%) jáne Máskeý (20-shy oryn, 22,1%) qalalary bar.
Al Qazaqstannyń iri qalalarynda úshinshi toqsannyń qorytyndysy boiynsha jańa turǵyn úi baǵasynyń jyldyq ósýi Almatyda 13, Nur-Sultanda 15,6%, Shymkentte 16,8% bolǵan. Qaitalama segmenttegi kórsetkishter de joǵary: Almatyda 9,8%, Nur-Sultanda 27% jáne Shymkentte 54,6%.
Ranking.kz bastapqy naryqtaǵy baǵanyń ósýi qaitalama naryqtaǵymen salystyrǵanda tómen kórinýin memlekettik baǵdarlamalardyń tetigimen túsindiredi.
