Jyljymaly meditsinalyq keshender jyl saiyn 1,2 mln turǵynǵa qyzmet kórsetedi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Alǵashqy meditsinalyq-sanitarlyq kómekti jaqsartý úshin Dúniejúzilik densaýlyq saqtaý uiymynyń 73-sessiiasynda DDU-ǵa múshe memleketter qabyldaǵan AMSK-tiń Astana deklaratsiiasy operatsiialyq tetikterin ilgeriletilýde. 2020 jyldyń 1 qańtarynan meditsina qyzmetkerleriniń jalaqysy 30 paiyzǵa kóterildi», - dedi ministr.
Onyń aitýynsha, alǵashqy meditsinalyq-sanitarlyq kómek dárigerlerine júktemeni tómendetý jáne patsentter úshin qoljetimdilikti arttyrý jumystary júrgizildi. Biyl jalpy tájiribe dárigerleriniń 480 ýchaskesi qosymsha quryldy. AMSK-niń 63 jańa nysany salyndy.
«Kóliktik meditsina engizildi. Jyl saiyn jyljymaly meditsinalyq keshen shalǵaidaǵy 1 100 eldi mekenniń shamamen 1,2 mln turǵynyn qamtidy jáne shamamen 35 myń naýqas adamdardy anyqtaidy. 2020 jyly qosymsha 100 jyljymaly meditsinalyq kesheni satyp alyndy. Osylaisha, qoldanystaǵy 49 keshendi esepke alǵanda olardyń jalpy sany 149-ǵa jetti», - dedi Aleksei Tsoi.
