QR Indýstriia jáne infraqurylymdyq damý vitse-ministri Qaiyrbek Óskenbaev jylýdyń qashan beriletinin aitty, dep habarlaidy "Ult aqparat".
«Qazaqstanda jylytý maýsymy áleýmettik infraqurylym úshin - shamamen 1 qazanda, turǵyn úiler úshin – 15 qazanda bastalady. Jáne áleýmettik infraqurylym úshin – 25 sáýirde, turǵyn úiler úshin – 15 sáýirde toqtatylady. Biraq bul – qatyp qalǵan qaǵida emes», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, mamandar aýa raiynyń ózgerýine qarai sheshim qabyldaidy.
«Temperatýralyq parametrlerge súienemiz. Úsh-bes kún boiy aýa temperatýrasy +8 +10 gradýsqa deiin tómendese, jylý berilýi tiis. Sáýir aiynda da úsh-bes kún aralyǵynda aýa raiy +8 +10 gradýstan ári qarai jylysa, jylý berý toqtatylady», - dedi Q. Óskenbaev.
