Shyǵys Qazaqstan oblysy Zaisan qalasynda 20 jylqy satyp almaq bolǵan er adam alaiaqqa 6 mln teńgeden astam aqsha bergen, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, aýdandyq politsiia bólimine júgingen azamat alaiaqtyń qurbany bolǵanyn jetkizdi. 20 jylqy satyp almaq bolǵan ol beitanys bireýge 6 200 000 teńge bergen.
«Jedel-izdestirý sharalaryn júrgizgen tártip saqshylary 28 jastaǵy kúdiktini ustady. Zaisan qalasynyń turǵyny óz kinásin moiyndap otyr. Qazirgi ýaqytta ol ýaqytsha ustaý izoliatoryna qamaýǵa alynǵan», - dep habarlady vedomstvo ókilderi.
Politsiia qyzmetkerleri QR Qylmystyq Kodeksiniń 190-baby 3-bóliginiń 1-tarmaǵymen (Alaiaqtyq) sotqa deiingi tergeý amaldaryn bastady. Kúdikti jeti jylǵa deiingi merzimge bas bostandyǵynan aiyrylýy múmkin.
