Foto: aqmeshit-aptalygy.kz
Jarkent qalasynda 6 jasar bala qaryndasyn pyshaqtap tastady, dep habarlaidy Sputnik Qazaqstan Jetisý oblysy politsiia departamentiniń baspasóz qyzmetine silteme jasap.
Oqiǵa 10 qańtarda bolǵan. 6 jasar bala óziniń 3 ailyq qaryndasyn úsh jerden pyshaqtap tastaǵan. Alǵan jaraqatynan náreste kóz jumdy.
Qyz tórt uldan keiingi otbasynyń kópten kútken balasy bolǵan. Úlken eki ul stýdent. Anasy úshinshi ulyn mektepke alyp ketip, úsh ailyq náreste men 6 jastaǵy tórtinshi ulyn úige tastap ketken. "Nege bulai istediń?" degen suraqqa 6 jastaǵy bala "ol jylap mazamdy aldy" dep jaýap bergen. Balanyń eshbir psihikalyq aýytqýy joq, birinshi synyptyń oqýshysy.
"Jarkent qalasynda jańa týǵan balaǵa pyshaq jaraqatyn salý faktisi boiynsha sotqa deiingi tergep-tekserý bastalyp, qajetti saraptamalar taǵaiyndaldy. Qylmystyq isti oblystyq politsiia departamenti erekshe baqylaýǵa aldy. Ózge aqparat qylmystyq is júrgizý kodeksine sáikes jariia etilmeidi", - dep málimdedi Jetisý oblystyq PD baspasóz qyzmeti.
