Aqtóbe oblysy ákimi óńirdegi «Tsifrlyq Qazaqstan» memlekettik baǵdarlamasynyń júzege asyrylýy boiynsha jiyn ótkizdi.
Óńirde tsifrlandyrý aiasynda áleýmettik infraqurylymdy internetpen qamtý jáne kompiýterlendirý boiynsha aýqymdy jumystar jalǵasýda. Bilim berý men densaýlyq saqtaý salalaryna erekshe kóńil bólinedi. Búgingi tańda qabyldanǵan sharalardyń arqasynda oblystyń barlyq 398 jalpy bilim beretin mektepteri Internet jelisine qol jetkize aldy, - dep málimdedi aqparattandyrý jáne syrtqy bailanys basqarmasynyń basshysy Ermek Kenjehanuly.
«Qazaqtelekom» AQ-men jasalǵan kelisimniń arqasynda» oblystyń 242 mektebinde internet jyldamdyǵy 4 Mbit-ke deiin jáne odan da joǵary tegin kóterildi. Únemdelgen qarajat spýtniktik bailanys arqyly qashyqtaǵy 92 mektepti qosymsha qosý úshin qaita baǵyttalady. Osylaisha, jyl aiaǵyna deiin bizdiń oblystyń barlyq mektepterine joǵary jyldamdyqty internet usynylatyn bolady, - dedi E.Kenjehanuly.
Biylǵy jyly mektepter úshin 1700 kompiýter men mýltimediialyq jabdyq satyp alýǵa 588 mln. teńge bólindi. Taǵy 48 million teńge qyzmet kórsetý ádisimen kompiýterlerdi satyp alýǵa jumsalady. Úsh jyldyq qyzmet kórsetý merzimi bar 5 myń kompiýter satyp alý josparlanyp otyr.
Internetke keńjolaqty qatynaýdy jáne jabdyqty satyp alýdy qamtamasyz etýmen qatar aqparattyq júielerdi engizý boiynsha jumys jalǵasýda, onyń artyqshylyǵyn aqtóbelikter baǵalap ta úlgerdi. Mysaly, Bilim basqarmasynyń málimetine sáikes, «Kúndelik» IJ engizý arqyly mektepte sabaqqa qatyspaý 2 ese qysqartyldy. Búgingi tańda oblystaǵy mektepterdiń 91,5% júiede jumys isteidi. Onyń qyzmetterin 17 myńnan astam muǵalim, 131 myń mektep oqýshysy jáne 99 myńǵa jýyq ata-analar paidalanady.
Densaýlyq saqtaý salasyna keletin bolsaq, búginde oblystyń aýdandary men oblys ortalyqtarynda ornalasqan barlyq emdeý mekemeleri Internetke qoljetimdilikti 100% qamtamasyz etildi. Nebári 500 adamǵa qyzmet kórsetetin 138 aýyldyq meditsinalyq mekemede búkilálemdik jelige qol jetimdilik joq.
«Jalpy, ótken aida talpynys bar, jumys júrip jatyr. Biraq ortasha respýblikalyq kórsetkishtermen salystyrǵanda, keibir pýnkttarda artta qalý bar. Máselen, memlekettik qyzmetterdiń tek 19% elektrondy túrde usynylǵan. Bul óte az. Osyndai jaǵdai, ótinishterdi avtomattandyrylǵan qabyldaý júiesimen jáne bala baqshaǵa kezekke qoiýmen bailanysty. Densaýlyq saqtaý salasynda dárigerge kóriný úshin elektrondy tapsyrys boiynsha suraqtar bar. Jalpy, dárigerler áli de qaǵazdy toltyrýǵa kóp ýaqytyn jumsaidy. Tsifrlandyrýdyń máni jumystyń jeńildetilýine jáne qyzmetterdi alýdy jeńildetýde», - dep oblys ákimi birqatar kemshilikterdi atap ótti.
Ol sondai-aq, aýyl sharýashylyǵy jáne turǵyn úi-kommýnaldyq sharýashylyq salalarynda tsifrlandyrýdy qurý jónindegi jumysty kúsheitýdi tapsyrdy. Eń bastysy, ortalyqtandyrylǵan derekterdi jinaý úshin barlyq engizilgen jáne qoldanystaǵy aqparattyq júielerdi biriktirý.
Ósip kele jatqan tsifrlandyrý aiasynda oblys halyqtyń tsifrlyq saýattylyǵyn arttyrýǵa kóp kóńil bóledi. Osy maqsatta aǵymdaǵy jyldyń maýsym aiynda oblystyń, sonyń ishinde shalǵai eldi mekenderdiń turǵyndaryn oqytatyn 220-den astam jattyqtyrýshy daiyndaldy. Búgingi kúni 24 myńnan astam adam qazirgi zamanǵy aqparattyq júielermen jáne tehnologiialarmen jumys jasaýda negizgi bazalyq bilimderin aldy. Eresekterdi oqytýǵa basymdyq beriledi.
