Jyl saiyn qazaqstandyq 500 ǵalym álemniń jetekshi ǵylymi ortalyqtarynda taǵylymdamadan ótedi. Bul jaiynda depýtattar saýalyna orai QR Premer-Ministri Asqar Maminniń bergen jaýabynda aitylǵan, dep habarlaidy QazAqparat.
«Ýniversitetterdi zertteý baǵytyndaǵy joǵary oqý orny etip qaita qurý aldyńǵy qatarly ǵylymi-zertteý ortalyqtary, irgeli jáne qoldanbaly ǵylymi zertteýleri, materialdyq-tehnikalyq bazasy, halyqaralyq derekter bazalaryndaǵy jariialaý belsendiligi bolǵan jaǵdaida júzege asyrylady. Jalpy zertteý ýniversiteti mártebesi 6 joǵary oqý ornyna berildi («Nazarbaev Ýniversiteti» DBU, «Q.I. Sátbaev atyndaǵy Qazaq ulttyq tehnikalyq zertteý ýniversiteti» KeAQ, «S.D. Asfendiiarov atyndaǵy Qazaq ulttyq meditsina ýniversiteti» KeAQ ( QazUMÝ), «Qaraǵandy meditsina ýniversiteti» KeAQ, «Qazaq ulttyq agrarlyq ýniversiteti» KeAQ jáne «S.Seifýllin atyndaǵy Qazaq agrotehnikalyq ýniversiteti» KeAQ). Bilim jáne ǵylym ministrligi basqa JOO zertteý ýniversitetterine ainaldyrý máselesin pysyqtaýda», - dedi Úkimet basshysy.
Onyń atap ótýinshe, zertteý baǵytyndaǵy JOO qyzmetiniń nátijesinde klasterler jumys isteidi. Osylaisha, iri sheteldik kompaniialarmen ózara is-qimylda «Nazarbaev Ýniversiteti» bazasynda 3 innovatsiialyq klasterde kommertsiialandyrý ofisteri, biznes-inkýbator jáne tehnopark ornalasqan.
«Samuryq-Qazyna» Qory 4 mln AQSh dollary kóleminde «Nazarbaev Ýniversitetine» qoldaý kórsetedi. Ál-Farabi atyndaǵy Qazaq ulttyq ýniversiteti injiniring jáne ǵylymdy qajetsinetin tehnologiialar klasterin, sondai-aq Virtýaldy qabyldaý stantsiiasy bar Jerdi qashyqtan zondtaý ortalyǵyn qurdy.
D.Serikbaev atyndaǵy Shyǵys Qazaqstan memlekettik tehnikalyq ýniversitetiniń bazasynda «Qazmyrysh» JShS-men, «Úlbi metallýrgiia zaýyty» AQ-men birlesip metallýrgiia salasynda ǵylymi-zertteý-óndiristik klasteri qurylǵan.
QazUTZÝ bazasynda additivti óndiris pen injiniringti damytý úshin Indýstriialyq dizain ortalyǵy quryldy.
«Budan basqa, JOO-lardyń óndirispen bailanysy konsortsiýmdar qurý arqyly júzege asyrylady. A.Baitursynov atyndaǵy Qostanai óńirlik ýniversiteti «KAMAZ» JAQ-pen yntymaqtastyq aiasynda mashina jasaý salasyndaǵy injener kadrlardy maqsatty daiarlaý úshin Injiniringtik ortalyq qurý jumysyn bastady. Zertteý JOO-laryn qoldaý maqsatynda ǵylymi qyzmetkerlerdiń biliktiligin arttyrý, halyqaralyq deńgeidegi ǵalymdardy tarta otyryp, zertteýlerdi qarjylandyrý júzege asyrylady. 2019 jyldan beri Halyqaralyq ǵylymi-tehnikalyq ortalyq qazaqstandyq ǵalymdardyń qatysýymen 16 jobany iske asyryp jatyr (12 qazaqstandyq jáne 4 birlesken joba). Jyl saiyn qazaqstandyq 500 ǵalym álemniń jetekshi ǵylymi ortalyqtarynda taǵylymdamalarmen qamtamasyz etiletin bolady», - dedi Premer-Ministr.
