جىل سايىن قازاقستاندىق 500 عالىم ەلەمنٸڭ جەتەكشٸ عىلىمي ورتالىقتارىندا تاعىلىمدامادان ٶتەدٸ. بۇل جايىندا دەپۋتاتتار ساۋالىنا وراي قر پرەمەر-مينيسترٸ اسقار ماميننٸڭ بەرگەن جاۋابىندا ايتىلعان, دەپ حابارلايدى قازاقپارات.
«ۋنيۆەرسيتەتتەردٸ زەرتتەۋ باعىتىنداعى جوعارى وقۋ ورنى ەتٸپ قايتا قۇرۋ الدىڭعى قاتارلى عىلىمي-زەرتتەۋ ورتالىقتارى, ٸرگەلٸ جەنە قولدانبالى عىلىمي زەرتتەۋلەرٸ, ماتەريالدىق-تەحنيكالىق بازاسى, حالىقارالىق دەرەكتەر بازالارىنداعى جارييالاۋ بەلسەندٸلٸگٸ بولعان جاعدايدا جٷزەگە اسىرىلادى. جالپى زەرتتەۋ ۋنيۆەرسيتەتٸ مەرتەبەسٸ 6 جوعارى وقۋ ورنىنا بەرٸلدٸ («نازارباەۆ ۋنيۆەرسيتەتٸ» دبۇ, «ق.ي. سەتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتٸ» كەاق, «س.د. اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸ» كەاق ( قازۇمۋ), «قاراعاندى مەديتسينا ۋنيۆەرسيتەتٸ» كەاق, «قازاق ۇلتتىق اگرارلىق ۋنيۆەرسيتەتٸ» كەاق جەنە «س.سەيفۋللين اتىنداعى قازاق اگروتەحنيكالىق ۋنيۆەرسيتەتٸ» كەاق). بٸلٸم جەنە عىلىم مينيسترلٸگٸ باسقا جوو زەرتتەۋ ۋنيۆەرسيتەتتەرٸنە اينالدىرۋ مەسەلەسٸن پىسىقتاۋدا», - دەدٸ ٷكٸمەت باسشىسى.
ونىڭ اتاپ ٶتۋٸنشە, زەرتتەۋ باعىتىنداعى جوو قىزمەتٸنٸڭ نەتيجەسٸندە كلاستەرلەر جۇمىس ٸستەيدٸ. وسىلايشا, ٸرٸ شەتەلدٸك كومپانييالارمەن ٶزارا ٸس-قيمىلدا «نازارباەۆ ۋنيۆەرسيتەتٸ» بازاسىندا 3 يننوۆاتسييالىق كلاستەردە كوممەرتسييالاندىرۋ وفيستەرٸ, بيزنەس-ينكۋباتور جەنە تەحنوپارك ورنالاسقان.
«سامۇرىق-قازىنا» قورى 4 ملن اقش دوللارى كٶلەمٸندە «نازارباەۆ ۋنيۆەرسيتەتٸنە» قولداۋ كٶرسەتەدٸ. ەل-فارابي اتىنداعى قازاق ۇلتتىق ۋنيۆەرسيتەتٸ ينجينيرينگ جەنە عىلىمدى قاجەتسٸنەتٸن تەحنولوگييالار كلاستەرٸن, سونداي-اق ۆيرتۋالدى قابىلداۋ ستانتسيياسى بار جەردٸ قاشىقتان زوندتاۋ ورتالىعىن قۇردى.
د.سەرٸكباەۆ اتىنداعى شىعىس قازاقستان مەملەكەتتٸك تەحنيكالىق ۋنيۆەرسيتەتٸنٸڭ بازاسىندا «قازمىرىش» جشس-مەن, «ٷلبٸ مەتاللۋرگييا زاۋىتى» اق-مەن بٸرلەسٸپ مەتاللۋرگييا سالاسىندا عىلىمي-زەرتتەۋ-ٶندٸرٸستٸك كلاستەرٸ قۇرىلعان.
قازۇتزۋ بازاسىندا ادديتيۆتٸ ٶندٸرٸس پەن ينجينيرينگتٸ دامىتۋ ٷشٸن يندۋسترييالىق ديزاين ورتالىعى قۇرىلدى.
«بۇدان باسقا, جوو-لاردىڭ ٶندٸرٸسپەن بايلانىسى كونسورتسيۋمدار قۇرۋ ارقىلى جٷزەگە اسىرىلادى. ا.بايتۇرسىنوۆ اتىنداعى قوستاناي ٶڭٸرلٸك ۋنيۆەرسيتەتٸ «كاماز» جاق-پەن ىنتىماقتاستىق اياسىندا ماشينا جاساۋ سالاسىنداعى ينجەنەر كادرلاردى ماقساتتى دايارلاۋ ٷشٸن ينجينيرينگتٸك ورتالىق قۇرۋ جۇمىسىن باستادى. زەرتتەۋ جوو-لارىن قولداۋ ماقساتىندا عىلىمي قىزمەتكەرلەردٸڭ بٸلٸكتٸلٸگٸن ارتتىرۋ, حالىقارالىق دەڭگەيدەگٸ عالىمداردى تارتا وتىرىپ, زەرتتەۋلەردٸ قارجىلاندىرۋ جٷزەگە اسىرىلادى. 2019 جىلدان بەرٸ حالىقارالىق عىلىمي-تەحنيكالىق ورتالىق قازاقستاندىق عالىمداردىڭ قاتىسۋىمەن 16 جوبانى ٸسكە اسىرىپ جاتىر (12 قازاقستاندىق جەنە 4 بٸرلەسكەن جوبا). جىل سايىن قازاقستاندىق 500 عالىم ەلەمنٸڭ جەتەكشٸ عىلىمي ورتالىقتارىندا تاعىلىمدامالارمەن قامتاماسىز ەتٸلەتٸن بولادى», - دەدٸ پرەمەر-مينيستر.
