Jyl basynan beri oiyn-saýyq mekemeleriniń karantin tárbin buzýǵa qatysty 8,5 myńǵa jýyq fakti tirkeldi, onyń 2 myńǵa jýyǵy toi ótkizýge qatysty. Bul týraly QR Ishki ister ministriniń orynbasary Arystanǵani Zapparov aityp berdi, dep habarlaidy QazAqparat.
Politsiia qyzmetkerleri qoǵamdyq tártipti saqtaý jáne qylmysqa qarsy kúres siiaqty negizgi mindetterinen bólek, ekinshi jyl koronavirýs pandemiiasymen kúres sharalarynyń aldyńǵy shebinde júr.
«Búginde Ishki ister ministrligi shekteý sharalarynyń saqtalýyn baqylaýda densaýlyq saqtaý organdaryna kómek kórsetýdi jalǵastyrýda. Kólik obektilerinde sanitarlyq dárigerlerge jolaýshylardy iriktep ótkizýge kómek kórsetiledi. Halyqaralyq áýejailarda 19 jáne temirjol vokzaldarynda 14 baqylaý pýnkti ornatylǵan. Jyl basynan beri shetelden PTR-anyqtamasyz kelgen 28 myńnan astam azamat karantinge ornalastyryldy», - dedi spiker Ortalyq kommýnikatsiialar qyzmetinde.
Sonymen birge, monitoring toby músheleriniń qaýipsizdigi de qamtamasyz etiledi. Jyl basynan beri olar 144 myń reid ótkizip, 22 myń karantindi buzý faktisiniń jolyn kesken.
«Oiyn-saýyq mekemeleriniń jumys tárbin buzýǵa qatysty 8,5 myńǵa jýyq fakti tirkeldi, onyń ishinde 2 myńǵa jýyq fakti toi ótkizýge qatysty», - deidi Zapparov.
