2020 jylǵy qańtar-qarasha aralyǵynda jalpy somasy 214,2 mlrd teńgege 389,2 myń otbasy kópbalaly januialarǵa arnalǵan memlekettik járdemaqymen qamtyldy. Qarasha aiynda osy járdemaqy túrin jalpy somasy 22,5 mlrd teńgege 413,4 myń otbasy aldy, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
Atalǵan memlekettik járdemaqyǵa 4 jáne odan kóp birge turatyn kámeletke tolmaǵan nemese kúndizgi bólimde oqityn 23 jasqa deiingi stýdent balalary bar otbasylar tabysyna qaramastan úmitker bola alady. Tólem mólsheri balalardyń sanyna bailanysty 44 532 teńgeden (4 bala) 77 951 teńgege (7 bala) deiin, 8 jáne odan keiingi ár balaǵa 4 AEK-ten saralanǵan.
8 balasy bar otbasy úshin járdemaqy 88 896 teńgeni quraidy, 9 balaǵa – 100 008 teńge, 10 – 111 120 teńge, 11 - 122 232 teńge, 12 – 133 344 teńge, 13 – 144 456 teńge, 14 – 155 568 teńge, 15 - 166 680 teńge, 16 – 177 792 teńge tólenedi.
Eske sala keteiik, Qazaqstandaǵy kópbalaly otbasylarǵa olardyń kiristerin esepke almai beriletin jańa memlekettik járdemaqy 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde qarastyrylǵan tabysy az jáne kópbalaly otbasylardy qoldaýdyń úsh negizgi baǵyty aiasynda engizildi.
2020 jylǵy 13 mamyrda Memleket basshysy 8 jáne odan da kóp balasy bar otbasylar úshin jekelegen mólsherlerdi belgileý arqyly osy járdemaqyny keńeitýdi qamtamasyz etetin zańǵa qol qoidy. Zań 2020 jylǵy 1 qańtardan bastap kúshine endi, osyǵan bailanysty kópbalaly otbasylarǵa beriletin járdemaqy mólsheri ony taǵaiyndaǵan sátten bastap qaita esepteldi. Máselen, aǵymdaǵy jyldyń shilde aiynda atalǵan otbasylar jańa mólsherde járdemaqy, sondai-aq qańtar-maýsym ailarynda qalyptasqan aiyrmany aldy.
