Jyl basynan beri qazaqstandyqtarǵa 447 mlrd-tan astam teńgege zeinetaqy tólendi, dep habarlaidy "Ult aqparat".
Eńbek jáne halyqty álepýmettik qorǵaý ministrliginiń málimetinshe, 2021 jylǵy qańtar- aqpan ailarynda respýblikalyq biýdjetten bazalyq zeinetaqy tóleýge 137,2 mlrd teńge, yntymaqty zeinetaqyǵa – 310,2 mlrd teńge baǵyttaldy.
Aqpan aiynda respýblikalyq biýdjetten zeinetaqy tólemderine 224 mlrd teńge, onyń ishinde bazalyq zeinetaqy tóleýge – 68,7 mlrd teńge, yntymaqty zeinetaqy tóleýge – 155,3 mlrd teńge bólindi.
2021 jylǵy 1 naýryzdaǵy jaǵdai boiynsha zeinetkerler sany 2 mln 245 myń adamdy quraidy.
Zeinetaqy tólemderiniń ortasha kólemi (onyń ishinde bazalyq zeinetaqy bar) 2021 jylǵy 1 naýryzdaǵy jaǵdai boiynsha 100 308 teńgeni qurady.
Eske salaiyq, 2018 jylǵy 1 shildeden bastap memlekettik bazalyq zeinetaqy tólemi zeinetaqy júiesine qatysý ýaqytyn eskere otyryp, ár alýshyǵa jeke taǵaiyndalady.
Bul rette 1998 jylǵy 1 qańtardaǵy jaǵdai boiynsha yntymaqty júiede jinaqtalǵan eńbek ótili, sondai-aq mindetti zeinetaqy jarnalary tólengen kezeńder zeinetaqy júiesine qatysý ótiline qosylady.
Sonymen, eger zeinetaqy júiesine qatysý ótili 10 jyl nemese odan az bolsa, sondai-aq eger múlde joq bolsa, bazalyq zeinetaqy - eń tómengi kúnkóris deńgeiiniń 54%.
Keiin 10 jyldan asqan ár jyl úshin onyń mólsheri 2% artady.
Mysaly, eger siz 20 jyl qatyssańyz, bazalyq zeinetaqy - kúnkóris deńgeiiniń 74%, 30 jylda – kúnkóris qunynyń 94% quraidy.
Qatysý ótili 33 jáne odan da kóp jyl bolsa, eń joǵary mólsherde - kúnkóris deńgeiiniń 100% kóleminde belgilenedi.
Eger bir ai ishinde Biryńǵai jinaqtaýshy zeinetaqy qoryna birneshe ret MZJ jasalsa, jinaqtaýshy júiege qatysý merzimi bir aidy quraidy.
Osylaisha, mindetti zeinetaqy jarnalary neǵurlym turaqty jáne tolyq salynatyn bolsa, zeinetkerlik jasqa jetkende bazalyq zeinetaqy mólsheri soǵurlym kóp bolady.
Óz kezeginde jasyna bailanysty zeinetaqy mólsheri 1998 jylǵy 1 qańtardaǵy jumys ótiline (kem degende 6 ai qajet) jáne zeinetkerlikke deiingi kezeńde alynǵan ortasha ailyq tabysqa bailanysty bolady.
