Biylǵy jyl basynan beri kámeletke tolmaǵandarǵa qatysty 821 qylmys tirkelip, ósim 4%-dy qurady.
Bul týraly onlain brifingte QR IIM Ákimshilik politsiia komiteti iývenaldy politsiia jáne áielderdi zorlyq-zombylyqtan qorǵaý bólimi bastyǵynyń orynbasary Dilbar Tólegenova aitty, dep habarlaidy QazAqparat.
«Sońǵy jeti jylda qabyldanǵan sharalardyń nátijesinde kámeletke tolmaǵandar tarapynan jasalatyn quqyqbuzýshylyqtardyń sany jyl saiyn myń faktige azaiyp otyr. 2013 jyldan bastap olardyń sany tórt esege azaidy. On bir aidyń qorytyndysy boiynsha quqyq buzýshylyqtardyń sany 15%-ǵa kemidi. Sonymen qatar, 2015 jyldan 2019 jylǵa deiin kámeletke jynystyq turǵydan jasalǵan qylmystar sany 35%-ǵa azaidy. Osy jyldyń basynan beri osy sanattaǵy 821 qylmys tirkeldi. Ósim 4%-dy qurady», - deidi bólim bastyǵynyń orynbasary.
Osy jyly qylmystyń kóbeiýi statistikalyq málimetterdi qalyptastyrý tásilderiniń ózgerýimen bailanysty ekenin atap ótken jón. Mysaly, Qaraǵandy oblysy departamentinde kámelettik jasqa tolmaǵan qyz ben onyń 2007 jylǵy qurbysyna anasynyń aǵasy jáne anasymen birge turyp jatqan er adamnyń zorlyq kórsetýine bailanysty qatysty sotqa deiingi tergeý amaldary júrgizildi. 2019 jyldyń ishinde kámeletke tolmaǵandarǵa qatysty 57 qylmys jasaldy.
«Kámeletke tolmaǵandar eresek er adamdarmen jynystyq qatynasqa ózara kelisim boiynsha túskenin atap ótken jón. Bul qylmystardyń 40% jýyǵy 16 jasqa tolmaǵandarmen jynystyq qatynas, onyń 146-sy (nemese 50% derlik) politsiia densaýlyq saqtaý organdarymen jumys isteý barysynda anyqtaǵan jáne Qazaqstan Respýblikasy Qylmystyq kodeksiniń 122-babyna sáikes sotqa deiingi tergeýler bastalǵan», - deidi spiker.
