Jyl basynan beri memlekettik tapsyrys sheńberinde almatylyqtarǵa tegin qyzmet kórsetken meditsina uiymdaryna 59,8 mlrd teńge tólendi. Bul týraly «Áleýmettik meditsinalyq saqtandyrý qory» KEAQ Almaty filialy habarlady.
Habarlamaǵa súiensek, MSQ ótken alty aida qaladaǵy statsionarlarǵa shamamen 21,5 mlrd teńge, joǵary tehnologiialardyń kómegimen jasalǵan biregei operatsiialar úshin 3,5 mlrd teńge tóledi.
Tegin meditsinalyq kómek paketi sheńberinde kórsetilgen qyzmetter arasynda áleýmettik aýrýlarǵa shaldyqqandarǵa jasalǵan em-domnyń da úlesi basym. Atap aitqanda, onkologiialyq syrqattarǵa kórsetilgen meditsinalyq kómekke 4 mlrd teńgeden astam, týberkýlezdi emdeýge – 2,4 mlrd teńge, juqpaly aýrýlardy emdeýge 1 mlrd teńgege jýyq qarjy tólengen.
«Bul qarajat memlekettik tapsyrys boiynsha kórsetilip jatqan tegin meditsinalyq kómek úshin tólenip otyr. Saqtandyrý paketi sheńberinde qyzmet kórsetý 2020 jyly bastalady», – dedi MSQ Almaty filialy direktory Tileýhan Ábildaev.
Esterińizge sala ketsek, Meditsinadyq saqtandyrý qory 2018 jyldan beri memlekettik biýdjetten qarjylandyrylatyn kepildendirilgen tegin kómek paketiniń operatory bolyp tabylady. 2020 jyldan bastap Qor mindetti áleýmettik meditsinalyq saqtandyrý sheńberinde kórsetiletin qyzmetterdiń aqysyn tólei bastamaq.
Jalpy, Almaty qalasynda 184 meditsina uiymy Meditsinalyq saqtandyrý qorymen memlekettik tapsyrysty oryndaý jóninde kelisimshart bekitken. Onyń basym bóligi – jeke menshik klinikalar. 2019 jylǵa bekitilgen kelisimsharttyń jalpy somasy 110 mlrd teńgeden asyp jyǵylady.
