2021 jylǵy qańtar-aqpan ailary aralyǵynda respýblikalyq biýdjetten múgedektigi boiynsha memlekettik áleýmettik járdemaqy tóleýge 51 mlrd teńge, asyraýshysynan airylý jaǵdaiyna 13,5 mlrd teńge jumsaldy, dep habarlaidy "Ult aqparat".
«2021 jylǵy aqpanda respýblikalyq biýdjetten múgedektigi boiynsha memlekettik áleýmettik járdemaqylardy tóleýge 25,6 mlrd teńge, asyraýshydan aiyrylý jaǵdaiy boiynsha 6,8 mlrd teńge baǵyttaldy.
2021 jylǵy 1 naýryzdaǵy jaǵdai boiynsha múgedektigi boiynsha memlekettik áleýmettik járdemaqy alýshylardyń sany 520,8 myń adamdy, asyraýshysynan aiyrylý jaǵdaiy boiynsha 167,2 myń adamdy qurady», - delingen Eńbek ministrligi málimetinde.
Múgedektik jáne asyraýshydan aiyrylý jaǵdaiy boiynsha memlekettik áleýmettik járdemaqylardyń mólsheri múgedektiktiń toby men sebebine, qaitys bolǵan (qaza tapqan) asyraýshynyń asyraýynda bolǵan adamdardyń sanyna, sondai-aq tiisti qarjy jylyna arnalǵan «Respýblikalyq biýdjet týraly» zańda belgilengen eń tómengi kúnkóris deńgeiine bailanysty bolady.
2021 jylǵy 1 naýryzdaǵy jaǵdai boiynsha múgedektigi boiynsha memlekettik áleýmettik járdemaqynyń ortasha mólsheri 49 211 teńgeni, asyraýshydan aiyrylý jaǵdaiy boiynsha memlekettik áleýmettik járdemaqynyń ortasha mólsheri 40 976 teńgeni qurady.
