Oqý jylynyń basynan beri 10 myńnan astam oqýshy koronavirýspen aýyrdy. Bul týraly QR Densaýlyq saqtaý vitse-ministri – Bas memlekettik sanitar dáriger Erlan Qiiasov aitty, dep habarlaidy QazAqparat.
«Ókinishke orai, mektep oqýshylary arasynda koronavirýs jaǵdailarynyń tirkelýi jalǵasyp jatyr. Oqý jyly bastalǵannan beri 10 myńnan astam mektep oqýshysy koronavirýspen aýyrdy. Onyń ishinde 3324 bala offlain rejiminde bilim alǵan. Qazirgi ýaqytta karantindik is-sharalar óńirlerdegi jáne jekelegen mekteptegi koronavirýsqa shaldyǵý jaǵdailaryn eskere otyryp teńgerimdi túrde qoldanylady», - dedi ol Ortalyq kommýnikatsiialar qyzmetindegi baspasóz máslihatynda.
