Jyl basynan beri qaqtyǵys aimaǵynan Qazaqstanǵa 520 bala men 142 áiel oralǵan. Bul týraly bilim jáne ǵylym ministrligi málimdedi, dep habarlaidy Sputnik Qazaqstan.
"Birneshe operatsiia (Jýsan – red.) júrgizilgenin jaqsy bilesizder. Júzdegen bala elge oraldy. Olardyń deni mektep, tipti mektepke deiingi jastaǵy balalar. Qazir pedagogtardy, psihologtar men basqa da mamandardy tartý arqyly aýqymdy jumys júrgizilip jatyr. Nátijesi de jaman emes", - dedi Aimaǵambetov májilis kýlýarynda.
Bilim jáne ǵylym ministrliginiń aqparatynsha, 2019 jyldyń qańtarynan qaqtyǵys aimaǵynan Qazaqstanǵa 520 bala men 142 áiel oralǵan.
Aita ketsek, "Jýsan" gýmanitarlyq operatsiiasyn tuńǵysh prezident Nursultan Nazarbaev usynǵan bolatyn. Bul bastama byltyrdan beri júzege asyp keledi.
28-31 mamyrda "Jýsan" arnaiy gýmanitarlyq aktsiiasynyń sońǵy kezeńi ótti. Qazaqstanǵa oralǵan balalar ońaltýdan ótip, arnaiy beiimdeý ortalyǵyna ornalastyrylǵany habarlanǵan edi.
